ટંકારા પોલીસ સ્ટેશન સામેથી 50 બોટલ દારૂ ભરેલ કાર સાથે મહિલા સહિત બે વ્યક્તિ પકડાયા

ટંકારા પોલીસ સ્ટેશન સામેના ભાગમાંથી પસાર થઈ રહેલ કારને રોકીને પોલીસ દ્વારા ચેક કરવામાં આવી હતી ત્યારે તે કારમાંથી દારૂની 50 બોટલ મળી આવી હતી જેથી પોલીસે દારૂ, મોબાઈલ અને કાર મળીને 4,75,000 નો મુદ્દામાલ કબજે કર્યો હતો અને કારમાં બેઠેલ મહિલા સહિત બે વ્યક્તિને પકડવામાં આવ્યા હતા અને એક શખ્સનું નામ સામે આવ્યું છે જેથી ત્રણ વ્યક્તિ સામે નામ જોગ તથા તપાસમાં જેના નામ સામે આવે તેની સામે ગુનો નોંધીને ટંકારા પોલીસે બાકીના આરોપીઓને પકડવા માટે તજવીજ શરૂ કરેલ છે

રાજકોટ મોરબી હાઇવે રોડ પર આવેલ ટંકારા પોલીસ સ્ટેશન સામેથી પસાર થઈ રહેલી ઓરા કાર નંબર જીજે 36 એજે 2958 ને રોકીને પોલીસ દ્વારા ચેક કરવામાં આવતા તે કારમાંથી દારૂની 50 બોટલો મળી આવી હતી જેથી પોલીસે 65000 ની કિંમતનો દારૂ તથા 10 હજાર રૂપિયાની કિંમતના બે મોબાઈલ ફોન અને 4,00,000 ની કિંમતની ગાડી આમ કુલ મળીને 4,75,000 ની કિંમતના મુદ્દામાલ સાથે ગાડીમાં બેઠેલ સંજયભાઈ દેવદાનભાઈ ડાંગર (34) રહે. જસાપર તાલુકો માળીયા અને જ્યોતિબેન સંદીપભાઈ ધરજીયા (34) રહે. નવાગામ આણંદપર રંગીલા મેઈન રોડ બુટ ભવાની મંડપની બાજુમાં તાલુકો રાજકોટ વાળાની ધરપકડ કરી હતી અને તેની પ્રાથમિક પૂછપરછ દરમિયાન રામદેવસિંહ ગોહિલ રહે. રાજકોટ વાળાનું નામ સામે આવ્યું હતું જેથી મહિલા સહિત કુલ ત્રણ વ્યક્તિ સામે નામ જોગ તથા જેના નામ તપાસમાં ખુલે તેની સામે ગુનો નોંધીને પોલીસે બાકીના આરોપીઓને પકડવા માટે તજવીજ શરૂ કરેલ છે.