માળીયા (મી) તાલુકામાં કોસ્ટલ રોડ ઉપર ઝાડની ડાળી સાથે ગળાફાંસો ખાઈને યુવાને કર્યો આપઘાત

માળીયા મીયાણા તાલુકામાંથી પસાર થતાં કોસ્ટલ રોડ ઉપર ઝાડની ડાળી સાથે દોરી બાંધીને યુવાને ગળાફાંસો ખાઈ લીધો હતો જેથી તેનું મોત નીપજયું હતું અને તેના મૃતદેહને પીએમ માટે માળિયાની સરકારી હોસ્પિટલ ખાતે લઈને આવ્યા હતા અને આ બનાવની હોસ્પિટલ મારફતે માળિયા તાલુકા પોલીસ સ્ટેશન ખાતે જાણ કરવામાં આવતા પોલીસ આગળની કાર્યવાહી હાથ ધરી છે

જાણવા મળતી માહિતી પ્રમાણે માળિયા તાલુકાના બગસરા ગામે રહેતા મૂળજીભાઈ ભીમાભાઇ પીપળીયા (39) નામના યુવાને માળિયામાંથી પસાર થતા કોસ્ટલ હાઇવે રોડ ઉપર ઝાડની ડાળી સાથે દોરી બાંધીને કોઈપણ કારણોસર પોતે પોતાની જાતે ગળાફાંસો ખાઈ લીધો હતો જેથી કરીને તે યુવાનનું મોત નીપજયું હતું ત્યારબાદ તેના મૃતદેહને પીએમ માટે માળિયાની સરકારી હોસ્પિટલ ખાતે લઈને આવ્યા હતા અને આ બનાવની હોસ્પિટલ મારફતે માળિયા તાલુકા પોલીસ સ્ટેશન ખાતે જાણ કરવામાં આવતા પોલીસે બનાવની નોંધ કરી આગેવાની મુજબની કાર્યવાહી હાથ ધરી છે

મહિલા સારવારમાં

મોરબીમાં આવેલ રબારીવાસમાં રહેતા મૈયાબેન શૈલેષભાઈ હણ (37) નામના મહિલા રવાપર રોડ ઉપરથી બાઈકમાં બેસીને ઘર તરફ જઈ રહ્યા હતા ત્યારે રસ્તામાં બાઈકની આડે ગાય આવી હતી જેથી કરીને બાઇક સ્લીપ થયું હતું અને અકસ્માત થયો હતો જે બનાવમાં મહિલાને ઇજા થતાં તેને સારવાર માટે હોસ્પિટલે લાવ્યા હતા અને આ બનાવની પોલીસને જાણ કરવામાં આવી છે

બાળક સારવારમાં

મોરબીના કેનાલ રોડ ઉપર આવેલ વૃંદાવન પાર્કમાં રહેતો તીર્થ સતિષભાઈ ગોપાણી (7) નામનો બાળક બાઇક પર બેસીને સ્કૂલે જઈ રહ્યો હતો ત્યારે સોસાયટી નજીક બાઇક સ્લીપ થયું હતું અને અકસ્માત થયો હતો જે બનાવમાં બાળકને ઇજા થવાથી તેને સારવાર માટે મોરબીની ખાનગી હોસ્પિટલમાં લાવ્યા હતા અને ત્યાં તેને સારવાર આપીને આ બનાવની પોલીસને જાણ કરવામાં આવી હતી