હળવદના કેદારીયા ગામના પાટીયા પાસે કાર ચાલકે બાઈકને હડફેટે લેતા યુવાનનું મોત

હળવદ તાલુકાના કેદારીયા ગામના પાટીયા પાસેથી બાઈક લઈને પસાર થયેલ યુવાનના બાઈકને કાર ચાલકે હડફેટે લેતા અકસ્માત થયો હતો જેમાં યુવાનને ગંભીર ઇજાઓ થયેલ હોવાથી તેને સારવાર માટે લઈ ગયા હતા જો કે, સારવાર દરમિયાન તેનું મોત નીપજ્યું હતું અને અકસ્માતના બનાવ સંદર્ભે મૃતક યુવાનના ભાઈએ નોંધાયેલ ફરિયાદ આધારે પોલીસે ગુનો નોંધીને આરોપીને પકડવા માટે તજવીજ શરૂ કરેલ છે

જાણવા મળતી માહિતી મુજબ હળવદ તાલુકાના કેદારીયા ગામે રહેતા અરવિંદભાઈ કાનજીભાઈ પરોઢા (35)એ હાલમાં હળવદ તાલુકા પોલીસ સ્ટેશન ખાતે કાર નંબર એમએચ 14 એફએક્સ 1925 ના ચાલક સામે ફરિયાદ નોંધાવેલ છે જેમાં જણાવ્યુ છે કે, તેના મોટાભાઈ રસિકભાઈ કાનજીભાઈ પરોઢા બાઈક નંબર જીજે 13 એચએચ 6166 લઈને કેદારીયા ગામના પાટીયા પાસેથી પસાર કરી હતા ત્યારે આરોપીએ તેઓના બાઈકને કારથી હડફેટે લીધું હતું જેથી અકસ્માતનો બનાવ બન્યો હતો જે બનાવમાં ફરિયાદીના ભાઈ રસિકભાઈને માથા, પગ અને શરીરે ગંભીર ઇજાઓ થઈ હતી જેથી કરીને તેને સારવાર માટે હોસ્પિટલે લઇ ગયા હતા અને ત્યાં ચાલુ સારવાર દરમિયાન તેનું મોત નિપજ્યું હતું જે બનાવ સંદર્ભે હાલમાં મૃતક યુવાનના ભાઈએ નોંધાવેલ ફરિયાદ આધારે પોલીસે કાર ચાલક સામે ગુનો નોંધીને આરોપીને પકડવા માટે તજવીજ શરૂ કરેલ છે

સરા ચોકડી પાસેથી બાઈકની ચોરી

હળવદના સરા રોડ ઉપર આવેલ આનંદ પાર્ક-2 નાલંદા સ્કૂલની બાજુમાં રહેતા હસમુખભાઈ વિઠ્ઠલભાઈ વરમોરા (49)એ પોતાનું બાઈક નંબર જીજે 13 એએમ 1187 સરા ચોકડી પાસે આવેલ ક્રોસ રોડ હોટલ તથા સેન્ટ્રલ પોઇન્ટ હોટલની વચ્ચેની ગલીમાં પાર્ક કરીને મૂક્યું હતું જે 20,000 રૂપિયાની કિંમતનું બાઈક કોઈ અજાણ્યા શખ્સ દ્વારા ચોરી કરવામાં આવેલ છે જેથી ભોગ બનેલા યુવાન દ્વારા નોંધાવવામાં આવેલ ફરિયાદ આધારે પોલીસે વાહન ચોરીનો ગુનો નોંધીને આરોપીને પકડવા માટે આગળની રાબેતા મુજબની છે