મારા ફોટાનો ઉપયોગ કરીને પોસ્ટને વાઇરલ કરનારા સામે કાર્યવાહી કરવા એસપીને સૂચના આપી છે: ધારાસભ્ય કાંતિભાઈ અમૃતિયા
SHARE
JOIN OUR GROUP
મારા ફોટાનો ઉપયોગ કરીને પોસ્ટને વાઇરલ કરનારા સામે કાર્યવાહી કરવા એસપીને સૂચના આપી છે: ધારાસભ્ય કાંતિભાઈ અમૃતિયા
વર્તમાન સમયમાં યેનકેન પ્રકારે છેતરપિંડી કરવામાં આવે છે અને નાણાકીય ફ્રોડ કરવામાં આવે છે તેવામાં મોરબીના ધારાસભ્ય સહિતના નેતાઓના ફોટો મૂકીને ફોટો સાથે ઘરે બેઠા કામ કરવાની ઓફર આપતી એક પોસ્ટ સોશ્યલ મીડિયામાં વાઇરલ થયેલ છે જેથી કરીને છેતરપીંડીના આ નવા કીમિયા બાબતે તાત્કાલિક કાર્યવાહી કરવા માટે મોરબીના ધારાસભ્યએ હાલમાં એસપીને સૂચના આપેલ છે.
તાજેતરમાં દરેક જિલ્લામાં 20 લોકોની જરૂર છે. અને ઘરે બેઠા કામ કરવાનું છે તેવી એક પોસ્ટ સોશ્યલ મીડિયામાં વાઇરલ થઈ રહી છે જેમાં મોરબીના ધારાસભ્ય ધારાસભ્ય કાંતિભાઈ અમૃતિયા સહિતના નેતાઓના ફોટો મૂકવામાં આવેલ છે અને તે પોસ્ટને સોશિયલ મીડિયામાં વાયરલ થઈ રહી છે જે મોરબીના ધારાસભ્ય ધારાસભ્ય કાંતિભાઈ અમૃતિયાના ધ્યાન ઉપર આવેલ હતી જેથી કરીને તેમણે જણાવ્યુ હતું કે, મોરબીના અનેક ફેસબુક ગ્રુપમાં મહેશ પટેલ અને જ્યોતિ પરમાર નામના આઇડીમાંથી તેના ફોટો સાથેની પોસ્ટ મુકવામાં આવી છે. અને તેમાં “મારે દરેક જિલ્લામાં 20 લોકોની જરૂર છે, ઘરેથી કામ કરો ફકત જિલ્લાનું નામ વોટ્સએપ કરો” આવો મેસેજ લખવામાં આવેલ છે અને એક મોબાઈલ નંબર પણ તે પોસ્ટમાં લખવામાં આવેલ છે. અને આ પોસ્ટમાં જે મોબાઈલ નંબર આપવામાં આવેલ છે તેમાં સંપર્ક કરતાં કોઈ હિન્દી ભાષી વ્યક્તિ વાત કરે છે તેવું સામે આવ્યું છે જેથી છેતરપીંડીનો આ નવો કીમિયો ધારાસભ્યના ધ્યાને આવતાની સાથે જે તેમણે મોરબીના એસપીને સૂચના આપીને સાયબર ક્રાઇમ મારફતે તાત્કાલિક તપાસ કરીને સોશ્યલ મીડિયામાં પોસ્ટ મૂકનારા શખ્સની સામે કડક કાર્યવાહી કરવાની સૂચના આપેલ છે.
