મોરબી: ભોજાણી પરીવાર દ્વારા પુત્રના જન્મદિવસ પ્રેરણાદાયી ઉજવણી
Morbi Today
મોરબીમાં 26 માં હિન્દુ મુસ્લિમ સમુહલગ્નનુ બાવા એહમદશા ગ્રુપ દ્વારા આયોજન
SHARE
JOIN OUR GROUP
મોરબીમાં 26 માં હિન્દુ મુસ્લિમ સમુહલગ્નનુ બાવા એહમદશા ગ્રુપ દ્વારા આયોજન
મોરબીમાં વર્ષોથી વિવિધ સેવાકીય પ્રવૃત્તિ કરી કોમી એકતાના પ્રતીક સર્વ ધર્મ સન્માન સાથે સર્વ સમાજમાં લોકપ્રિય એવા સૈયદ હાજી એહમદહુસેન બાપુ કાદરી દ્વારા સમૂહલગ્નનું આયોજન કરવામાં આવે છે અને આ સમૂહલગ્નનું આયોજન છેલ્લા 25 વર્ષથી રાબેતા મુજબ થાય છે જેમાં એક જ મંડપ નીચે 51 હિન્દુ યુગલો અને 51 મુસ્લિમ જોડાઓના લગ્ન કરાવવામાં આવે છે.
મોરબીમાં વર્ષોથી એક જ મંડપ નીચે કલમાં પડીને નિકાહ તેમજ હિન્દુ વિધિના મંત્રોચ્ચારો સાથે મંગળ ફેરા ફરીને દીકરા દીકરીઓના લગ્ન સાધુ-સંતો અને ફકીરોની હાજરીમાં કરવવામાં આવે છે જેથી કરીને કોમી એકતાનું ઉદાહરણ પૂરું પાડતા બાવા એહમદશા ગ્રુપ દ્વારા આયોજિત સમૂહલગ્નમાં રાજકીય અને સામાજિક આગેવાનો તેમજ જુદીજુદી સંસ્થાના આગેવાનો વગેરે વગેરે હાજર રહે છે. આગામી તા. 26/1/25 ને રવિવારના રોજ બાવા ગ્રુપ દ્વારા 26 માં સમૂહલગ્નનું આયોજન કરવામાં આવ્યું છે અને જરૂરિયાત મંદ દુલ્હા-દુલ્હન અને વર-કન્યા સમયસર તેના લગ્ન અતંરગત ફોર્મ મેળવી સમયસર જમા કરાવી દે તેમ બાવા એહમદશા ગ્રુપ દ્વારા અખબાર યાદીમાં જણાવ્યું છે અને ફોર્મ મેળવવા માટે ઇકબાલભાઈ રાઠોડ હાજી (એહમદ હુસેન બાપુની ઓફિસ સિપાઈવાસ, 9173492327), બચુભાઈ ચાનિયા (અયોધ્યાપુરી મેઇન રોડ, 98256 45844), મહેશભાઈ હોટલ (ડિલક્સ કે.બી.બેકરીની બાજુમાં, 98793 10595), વિમલભાઈ દફ્તરી (એર વોઇસ ગ્રીન ચોક, 80000 00181) અને જાવીદભાઈ સીપાઈ (હાજી એહમદ હુસેન બાપુની ઓફિસ, 9033378672)નો સંપર્ક કરવા જણાવ્યુ છે.
