મોરબી નજીક સેન્ટ્રો ગાડીમાંથી 75 બોટલ દારૂ ઝડપાયો, 1.46 લાખનો મુદામાલ કબજે: આરોપીની શોધખોળ

મોરબીના નેશનલ હાઈવે રોડ ઉપર શક્તિ ચેમ્બર પાસે આવેલ જે.કે. ટાઇલ્સ અને સેનેટરી વેર નામના ખુલ્લા વાડામાં પોલીસ દ્વારા દારૂની રેડ કરવામાં આવી હતી ત્યારે ત્યાંથી સેન્ટ્રો ગાડીમાંથી દારૂની 75 બોટલ મળી આવી હતી જેથી કરીને પોલીસે દારૂ તથા વાહન મળીને કુલ 1,46,750 નો મુદ્દામાલ કબજે કર્યો હતો જોકે, આરોપી સ્થળ ઉપર હાજર ન હોવાથી તેની સામે બી ડિવિઝન પોલીસ સ્ટેશન ખાતે ગુનો નોંધી આરોપીને પકડવા માટે તજવીજ શરૂ કરી છે

મોરબી બી ડિવિઝન પોલીસની ટીમ પેટ્રોલીંગમાં હતી ત્યારે મોરબીના નેશનલ હાઈવે રોડ પર આવેલ શક્તિ ચેમ્બર પાસે એમ.બી. હોટલની સામેના ભાગમાં આવેલ જે.કે. ટાઈલ્સ અને સેનેટરીવેર નામના ખુલ્લા વાડામાં પડેલ સેન્ટ્રોં ગાડીમાં દારૂનો જથ્થો હોવા અંગેની ચોક્કસ હકીકત મળી હતી જેના આધારે પોલીસે ત્યાં દારૂની રેડ કરી હતી અને સેન્ટ્રો ગાડીને ચેક કરતાં તે ગાડીમાંથી દારૂની જુદી જુદી બ્રાન્ડની કુલ મળીને 75 બોટલો મળી આવતા 96,740 ની કિંમતનો દારૂનો જથ્થો તથા પચાસ હજાર રૂપિયાની કિંમતની ગાડી આમ મળીને 1,46,740 ની કિંમતનો મુદ્દામાલ પોલીસ દ્વારા કબજે કરવામાં આવ્યો હતો અને જયારે દારૂની રેડ કરવામાં આવી હતી ત્યારે આરોપી રાજદિપસિંહ ઉર્ફે રાજા વિક્રમસિંહ સરવૈયા રહે. ગુજરાત હાઉસિંગ બોર્ડ સામાકાંઠે મોરબી વાળો હાજર ન હોવાથી તેની સામે બી ડિવિઝન પોલીસ સ્ટેશન ખાતે ગુનો નોંધીને પોલીસ આગળની કાર્યવાહી હાથ ધરી છે