મોરબીના મોડપર અને વાંકાનેરના જાલસીકા ગામે પાણીમાં ડૂબી જવાથી કુલ બે યુવાનના મોત

વાંકાનેર તાલુકાના જાલસીકા ગામે નદીમાં ન્હાવા ગયેલ યુવાનનું પાણીમાં ડૂબી જવાથી મોત નીપજયું હતું આવી જ રીતે મોરબીના મોડપર ગામ પાસે વોંકળાના પાણીમાં ડૂબી જવાના લીધે એક યુવાનનું મોત થયું હતું જે બંને બનાવની સ્થાનિક પોલીસે નોંધ કરીને રાબેતા મુજબની કાર્યવાહી કરેલ છે.

જાણવા મળતી વખતે પ્રમાણે વાંકાનેર તાલુકાના જાલસીકા ગામે રહેતો ભાવેશભાઈ રાવતભાઇ ડાંગર (42) નામનો યુવાન મચ્છુ નદીના પાણીમાં તણાઈ ગયો હતો. જેથી તેની શોધખોળ મોરબી, વાંકાનેર, હળવદ અને રાજકોટના ફાયરની ટીમ દ્વારા કરવામાં આવી હતી અને તેના ડેડબોડીને ગઈકાલે પાણીમાંથી બહાર કાઢીને મૃતકના પરિવારજનને સોંપવામાં આવેલ છે વધુમાં જાણવા મળતી વિગત પ્રમાણે મૃતક યુવાન ભાવેશભાઈ ડાંગર મચ્છુ નદીમાં ન્હાવા માટે ગયો હતો ત્યારે તે મચ્છુ નદીના પાણીમાં તણાઈ ગયો હતો. અને પાણીમાં ડૂબી જવાના કારણે તેનું મોત નીપજયુ હતું જે બનાવની વાંકાનેર તાલુકા પોલીસે નોંધ કરીને આગળની કાર્યવાહી હાથ ધરી છે.

આવી જ રીતે મોરબી તાલુકાના મોડપર ગામ પાસે આવેલા પાણીના વોંકળામાં ડૂબી જવાના કારણે નવઘણભાઈ ભીમજીભાઇ મગવાણીયા (19) રહે. મોડપર વાળાનું મોત નીપજ્યું હતું જેથી કરીને તેના ડેડબોડીને પાણીમાંથી બહાર કાઢીને સાગરભાઇ મોરબીની સરકારી હોસ્પિટલ ખાતે લઈને આવ્યા હતા અને ત્યારબાદ હોસ્પિટલ મારફતે આ બનાવની મોરબી તાલુકા પોલીસને જાણ કરતા પોલીસે બનાવની નોંધ કરી આગળની રાબેતા મુજબની કાર્યવાહી હાથ કરી છે