હળવદના ઢવાણા ગામે માવતરેથી સાસરે જવાનું કહેતા એસિડ પી ગયેલ પરણીતાનું સારવારમાં મોત
Morbi Today
મોરબીમાં દારૂની જુદીજુદી બે રેડ: નાની મોટી 27 બોટલો સાથે કુલ ત્રણ આરોપી ઝડપાયા
SHARE
JOIN OUR GROUP
મોરબીમાં દારૂની જુદીજુદી બે રેડ: નાની મોટી 27 બોટલો સાથે કુલ ત્રણ આરોપી ઝડપાયા
મોરબી શહેરના જુદા જુદા બે વિસ્તારોમાં દારૂની રેડ કરવામાં આવી હતી. દરમિયાન સ્થળ ઉપરથી દારૂની નાની મોટી કુલ મળીને 27 બોટલો મળી આવી હતી જેથી પોલીસે ત્રણ આરોપીઓની ધરપકડ કરી હતી અને સ્થાનિક પોલીસ સ્ટેશનમાં જુદા જુદા દારૂના બે ગુના નોંધીને પોલીસ આગળની રાબેતા મુજબની છે.
જાણવા મળતી માહિતી પ્રમાણે મોરબી શહેરના સામાકાંઠા વિસ્તારમાં મહારાણા પ્રતાપ સર્કલ પાસે કડિયા બોર્ડિંગ નજીકથી એક શખ્સ પસાર થઈ રહ્યો હતો. ત્યારે તેને રોકીને પોલીસ દ્વારા ચેક કરવામાં આવ્યો હતો. ત્યારે તેની પાસેથી દારૂની 19 બોટલો મળી આવી હતી જેથી પોલીસે 11,500 ની કિંમતનો દારૂનો જથ્થો કબજે કર્યો હતો અને આરોપી બળદેવભાઈ વશરામભાઈ પરમાર જાતે અનુ. જાતિ (35) રહે. જીવરાજ પાર્ક સાયન્સ કોલેજ પાછળ મોરબી વાળાની ધરપકડ કરી હતી અને તેની સામે મોરબી બી ડિવિઝન પોલીસ સ્ટેશન ખાતે ગુનો નોંધીને પોલીસે આગળની કાર્યવાહી હાથ ધરી હતી.
તો મોરબીના રવાપર રોડ ઉપર આવેલ રાજકોટ નાગરિક બેંક સામેથી ડબલ સવારી બાઈક નં. જીજે 36 કયું 6377 પસાર થઈ રહ્યું હતું ત્યારે તે બાઈક ચાલકને રોકીને પોલીસ દ્વારા ચેક કરવામાં આવતા તેની પાસેથી દારૂની નાની આઠ બોટલ મળી હતી જેથી પોલીસે 800 રૂપિયાની કિંમતનો દારૂ અને 30 હજારનું બાઈક આમ કુલ મળીને 30,800 નો મુદ્દામાલ કબજે કર્યો હતો અને આરોપી અશ્વિનભાઈ રામજીભાઈ મૂછડિયા જાતે અનુ. જાતી (20) રહે. સોઓરડી રામદેવપીરના મંદિર પાસે મોરબી તથા ભરતભાઈ રણછોડભાઈ આંબલીયા જાતે અનુ. જાતિ (26) રહે. લુટાવદર વાળાની ધરપકડ કરી હતી અને આ બંને સામે મોરબી એ ડિવિઝન પોલીસ સ્ટેશન ખાતે ગુનો નોંધીને પોલીસે આગળની કાર્યવાહી કરી હતી.
