મોરબીના લાલપર પાસે કારખાનામાં મશીનના બેલ્ટમાં આવી જવાથી મહિલાનું મોત

મોરબીના લાલપર ગામ નજીક આવેલ સિરામિક કારખાનામાં રાત્રિના સમયે મહિલા કામ કરી રહી હતી ત્યારે કોઈ કારણોસર મશીનના બેલ્ટમાં મહિલા આવી ગઈ હતી જેથી મહિલાને ગંભીર ઇજા થઈ હોવાથી તે મહિલાનું સ્થળ ઉપર જ મોત નીપજયું હતું ત્યારબાદ તે મહિલાના મૃતદેહને મોરબીની સિવિલ હોસ્પિટલ સાથે લઈને આવ્યા હતા અને આ બનાવની હોસ્પિટલ મારફતે મોરબી તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની કાર્યવાહી હાથ ધરી હતી

મોરબી નજીક શક્તિ ચેમ્બરની પાછળના ભાગમાં આવેલ સનસીટી સિરામિક કારખાનામાં રહેતા ચંદાબેન ભુરાભાઈ પાન (30) નામના મહિલા ગઈકાલે રાત્રિના ત્રણેક વાગ્યાના અરસામાં મશીન ઉપર કામ કરી રહ્યા હતા ત્યારે કોઈ કારણોસર મશીનના બેલ્ટમાં તે આવી ગયા હતા જેથી તેઓને ગંભીર ઇજા થઈ હતી અને સારવાર મળે તે પહેલા જ સ્થળ ઉપર તેઓની મોત નીપજયું હતું ત્યાર બાદ મૃત્યુ પામેલ મહિલાને દિલીપભાઈ પરમાર નામના વ્યક્તિ મોરબીની સરકારી હોસ્પિટલ ખાતે લઈને આવ્યા હતા અને ત્યારબાદ આ બનાવની સિવિલ હોસ્પિટલ મારફતે મોરબી બી ડિવિઝન પોલીસ સ્ટેશન ખાતે જાણ કરવામાં આવતા પોલીસે અકસ્માત મૃત્યુના બનાવની નોંધ કરી આગળની રાબેતા મુજબની કાર્યવાહી હાથ ધરી છે .