વાંકાનેરના મહિકા ગામે વાડીએ ઝેરી દવા પી ગયેલ યુવતીનું મોત

વાંકાનેર તાલુકાના મહિકા ગામની સીમમાં વાડીએ રહીને મજૂરીકામ કરતી યુવતીએ કોઈ કારણોસર ઝેરી દવા પી લેતા તેનું મોત નીપજયું હતું. ત્યારબાદ તેના મૃતદેહને પીએમ માટે વાંકાનેરની સરકારી હોસ્પિટલે લઈને લાવ્યા હતા. અને આ બનાવની હોસ્પિટલ મારફતે વાંકાનેર તાલુકા પોલીસને જાણ કરતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી હતી.

બનાવની જાણવા મળતી માહિતી મુજબ વાંકાનેર તાલુકાના મહીકા ગામે ગુલાબભાઈ હુસેનભાઇની વાડીએ રહીને મજૂરીકામ કરતા પરિવારની શુભાનીબેન સભાભાઇ ચૌહાણ (20) નામની મહિલાએ કોઈ કારણોસર વાડીએ ઝેરી દવા પી લીધી હતી. જેથી તેનું મોત નિપજ્યું હતું ત્યારબાદ આ મહિલાના મૃતદેહને વાંકાનેરની સરકારી હોસ્પિટલ ખાતે લઈને આવ્યા હતા. અને હોસ્પિટલ મારફતે આ બનાવની વાંકાનેર તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી કરી છે. અને આ બનાવની વધુ તપાસ વાંકાનેર તાલુકા પોલીસ સ્ટેશનના હેડ કોન્સ્ટેબલ એ.આર.બેરાણી ચલાવી રહ્યા છે

છોટા હાથી અને બાઈક વચ્ચે અકસ્માત

મોરબી તાલુકાના વાંકડા ગામની સીમમાં છોટા હાથી અને બાઈક વચ્ચે અકસ્માતમાં બનાવ બન્યો હતો. જે બનાવમાં અજયભાઈ નારસિંગભાઈ આર્ય (20) રહે. ખરેડા અને બળદેવભાઈ હિતેશભાઈ (27) વાંકડા વાળાઓને ઈજા થયેલ હતી જેથી તેને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ આ બનાવની મોરબી તાલુકા પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી હતી અને આ બનાવની પ્રાથમિક તપાસ જે.પી. પટેલ દ્વારા કરવામાં આવી હતી

આધેડ સારવારમાં

મોરબીના ઇન્દિરાનગર વિસ્તારમાં રહેતા ગોવિંદભાઈ પાલાભાઈ (54) વાળા મોરબીના રંગપર ગામ પાસેથી પસાર થતા હતા ત્યારે કોઈ અજાણ્યા વાહન ચાલકે હડફેટ લેતા અકસ્માત થયો હતો અને તેઓને ઈજા થયેલ હતી જેથી આધેડને મોરબીની ખાનગી હોસ્પિટલમાં લાવ્યા હતા અને ત્યાં તેને સારવાર આપ્યા બાદ આ બનાવની મોરબી તાલુકા પોલીસને જાણ કરવામાં આવી હતી જેથી પોલીસે આગળની કાર્યવાહી હાથ ધરી છે આ બનાવની પ્રાથમિક કપાસ જે.બી.પરમાર દ્વારા કરવામાં આવી હતી

રિક્ષા અને કાર વચ્ચે અકસ્માત

મોરબીના બાયપાસ રોડ ઉપર આવેલ શેર એ પંજાબ હોટલ સામે રિક્ષા અને કાર વચ્ચે અકસ્માતનો બનાવ બન્યો હતો જેમાં મહેશભાઈ જેઠાભાઇ અગેચાણીયા (23) અને જયેશ મુન્નાભાઈ રોજાસરા (5) રહે. વાડી વિસ્તાર ધુતારી ગાયત્રી આશ્રમ સામે કંડલા બાયપાસ રોડ મોરબી વાળાઓને ઈજા થઈ હોવાથી તેઓને સારવાર માટે હોસ્પિટલે લાવ્યા હતા અને ત્યાં તેને સારવાર આપીને આ બનાવની મોરબી બી ડિવિઝન પોલીસને જાણ કરી હતી જેથી આગળની વધુ તપાસ એ.આર. સારદિયા દ્વારા કરવામાં આવેલ છે