મોરબીમાં ફાયર સુવિધા ન હોવાથી ૩૧ કોમ્પલેક્ષ-એપાર્ટમેંટને પાલિકાની નોટિસ
Morbi Today
મોરબી જીલ્લામાં બેફામ ગતિએ દોડતા ઓવરલોડ વાહનોને બ્રેક લગાવવા હર્ષ સંઘવીને જિલ્લા કોંગ્રેસ પ્રમુખની રજૂઆત
SHARE
JOIN OUR GROUP
મોરબી જીલ્લામાં બેફામ ગતિએ દોડતા ઓવરલોડ વાહનોને બ્રેક લગાવવા હર્ષ સંઘવીને જિલ્લા કોંગ્રેસ પ્રમુખની રજૂઆત
મોરબી જીલ્લામાં બેફામ ગતિએ ઓવરલોડ માલ ભરીને વાહનો ચલાવવામાં આવે છે તેને વહેલી તકે કોઈ જીવલેણ ગંભીર અકસ્માત બને તે પહેલા બંધ કરાવવા માટે મોરબી જિલ્લા કોંગ્રેસના પ્રમુખે હાલમાં રાજ્યના વાહન વ્યવહાર મંત્રી હર્ષ સંઘવીને લેખિતમાં રજૂઆત કરી છે
મોરબી જિલ્લા કોંગ્રેસના પ્રમુખ કિશોરભાઇ ચિખલિયાએ હાલમાં રાજ્યના વાહન વ્યવહાર મંત્રી હર્ષ સંઘવીને લેખિતમાં રજૂઆત કરી છે કરેલ છે તેમાં જણાવ્યુ છે કે, મોરબી જીલ્લામાં કોઈપણ પ્રકારની કાયદાકીય સુચનાઓનું પાલન કર્યા વગર ખનીજ ભરેલા ઓવરલોડ વાહનો બેફામ ગતિએ ચલાવવામાં આવે છે તેમજ આવા ખનીજ ભરેલા ઓવરલોડ વાહનોમાંથી પથ્થર પડવાના કારણે લોકોને ભારે હાલાકી ભોગવવી પડે છે. તેમજ આ ઓવરલોડ વાહનોમાંથી નાના નાના પથ્થર અન્ય નાના વાહન ચાલકો પર પડે છે. જેના કારણે ગંભીર અકસ્માત થવાની શક્યતા છે તેમજ ઓવરલોડ રેતી ભરેલ વાહનોમાંથી ખારૂ પાણી રોડ ઉપર પડતુ હોવાના કારણે લોકોના ટેકસમાંથી બનેલ રોડ-રસ્તાઓ વારંવાર તુટી જતાં હોય છે. જેના કારણે લોકોને પારાવાર મુશ્કેલીઓનો સામનો કરવો પડી રહયો છે.
તેમજ મોરબી જીલ્લાના નવલખી બંદર પરથી કોલસા ભરેલા ઓવરલોડ વાહનો બેફામ રીતે ચાલી રહયા છે. જે કોલસા રોડ-રસ્તા પર પડવાના કારણે લોકોને ભારે હાલાકી ભોગવવી પડે છે. હાલના સમયમાં ખનીજ ભરેલા ઓવરલોડ વાહનના ચાલકો બેફામ બન્યા છે. ત્યારે મોરબી જીલ્લામાં વહીવટી તંત્ર આંખ આડા કાન કરતું હોય તેવું લાગી રહયું છે. જેના કારણે અકસ્માતના બનાવો સતત વધી રહ્યા છે. અને કેટલાક લોકોની જીંદગી તેમાં હોમાઇ ગયેલ છે ત્યારે આવા ઓવરલોડ વાહનો બંધ કરાવવા જિલ્લા કોંગ્રેસનાં પ્રમુખે માંગ કરી છે
