મોરબી-માળીયા તાલુકાનાં ગામોને કેનાલથી સિચાઈનું પાણી ન આપવામાં આવે તો આંદોલન

મોરબી જીલ્લાના માળીયા અને મોરબી તાલુકામાં આજની તારીખે સિંચાઈની સગવડતા વગરના અનેક ગામો આવેલ છે જેને ડેમની કેનાલ દ્વારા પાણી આપવામા આવશે તેવું વિધાનસભાની પેટા ચૂંટણી વખતે કહેવામા આવ્યું હતું જો કે, અફસોસ કે આજની તારીખે તે લોકોને પાણી મળી રહ્યું નથી ત્યારે મોરબી જીલ્લા કિશાન કોંગ્રેસના પ્રમુખ દ્વારા નર્મદા જળસંપતિ અને પાણી પુરવઠા વિભાગ મંત્રીને આ મુદ્દે રજૂઆત કરેલ છે

મોરબી જીલ્લા કિશાન કોંગ્રેસના પ્રમુખ  ભાવેશ બી. સાવરિયાએ નર્મદા જળસંપતિ અને પાણી પુરવઠા વિભાગ મંત્રી ઋષિકેશભાઈ પટેલને લેખિતમાં રજૂઆત કરેલ છે કે, મોરબી જીલ્લામાં ઘણા ગામો આજની તારીખે પણ વરસાદ આધારિત ખેતી ઉપર નિર્ભર છે. આવા ગામોના ખેડૂતો દ્વારા કેનાલની સગવડતા આપવા માટેની માંગણીઓ વારંવાર કરવામાં આવે છે પરંતુ આજની તારીખે પાણી આપવામાં આવ્યું નથી અને તાજેતરમાં મોરબી – માળિયાના ધારાસભ્ય બ્રિજેશ મેરજાને જયારે ગુજરાત સરકારમાં મંત્રી બનાવવામાં આવેલ છે. ત્યારે અહીના ખેડૂતોને આશા છે કે હવે તેઓની પાણી માટેની વર્ષો જૂની માંગણીને પૂરી કરવામાં આવશે

મોરબી માળીયા વિધાનસભાની પેટા ચૂંટણી વખતે ચુંટણી પ્રચાર વખતે બ્રિજેશ મેરજાને સાથે લાવ્યા વગર આવેલા આગેવાનો મોહનભાઈ કુંડારિયા તેમજ મગનભાઈ વડાવિયા તેમજ જવાહરભાઇ ચાવડા  દ્વારા આ વિસ્તારના ખેડૂતોને વચન આપવામાં આવેલ હતું કે “તેમોને અમે સિંચાઈનું પાણી કેનાલ દ્વારા અપાવીશું  તમો ભાજપના ઉમેદવારને જીતાડો”  લોકોએ તેઓ ઉપર વિશ્વાસ કરીને મત આપીને ભાજપના ઉમેદવારને જીતાડેલ છે. તો હવે કેનાલ દ્વારા પાણી આપવા મતેજે વચન આપ્યું હતું તે પૂરું કરવામાં આવે તે જરૂરી છે અને જો કેનાલની સુવિધા આપવામાં નહીં આવે તો નાછુટકે ખેડૂતોને સાથે રાખીને ઉગ્ર  અંદોલન કરવામાં આવશે