વાંકાનેરના કલાવડી પાસે ખેતરમાં માલઢોર ચરાવવાની ના કહેતા આધેડ ઉપર હુમલો

વાંકાનેર તાલુકાના કલાવડી ના બોર્ડ નજીક ખેતરમાં માલ ઢોર ચરાવવાની આધેડે ના પાડતા તે સારું નહીં લાગતા એક શખ્સ દ્વારા લાકડી વડે આધેડને માર મારવામાં આવ્યો હતો અને જાનથી  મારી નાખવાની ધમકી આપવામાં આવી છે જેથી કરીને ભોગ બનેલા આધેડે સારવાર લીધા બાદ વાંકાનેર તાલુકા પોલીસ સ્ટેશન ખાતે ફરિયાદ નોંધાવી છે તેના આધારે પોલીસે આરોપીને પકડવા માટે તજવીજ શરૂ કરી છે

બનાવની જાણવા મળતી માહિતી મુજબ વાંકાનેર તાલુકાના સિંધાવદર ગામે રહેતા અબ્દુલરહીમ અહમદભાઈ શેરસીયા જાતે મોમીન (૫૧)એ હાલમાં વાંકાનેર તાલુકા પોલીસ સ્ટેશન ખાતે કૈલાશ લીલાભાઈ સરૈયા રહે. ખીજડીયા તાલુકો વાંકાનેર વાળાની સામે ફરિયાદ નોંધાવી છે જેમાં તેણે જણાવ્યું છે કે કાલાવડીનું બોર્ડ નૂર ઇન્ડસ્ટ્રીઝ પાસે ફરિયાદીએ આરોપીને પોતાના માલ ઢોર ખેતરમાં ચરાવવાની ના પાડી હતી જે તેને સારું નહીં લાગતા તેણે લાકડી વડે હુમલો કરીને આધેડને માર માર્યો હતો અને હાથમાં ફ્રેકચર કરીને ગાળો આપીને જાનથી મારી નાખવાની ધમકી આપી હતી જેથી કરીને ભોગ બનેલા આધેડે નોંધાવેલ ફરિયાદ આધારે વાંકાનેર તાલુકા પોલીસ સ્ટેશન ખાતે ગુનો નોંધી આરોપીને પકડવા માટે તજવીજ શરૂ કરી છે