માળીયા (મી) નજીક મચ્છુ નદીમાં ડૂબી જવાથી અજાણ્યા આધેડનું મોત
SHARE
JOIN OUR GROUP
માળીયા (મી) નજીક મચ્છુ નદીમાં ડૂબી જવાથી અજાણ્યા આધેડનું મોત
માળીયા મીયાણા નજીકથી પસાર થતી મચ્છુ નદીમાં કોઈ કારણોસર ડૂબી જવાના કારણે અજાણ્યા આધેડ પુરુષનું મોત નીપજ્યું હતું જેથી કરીને તેના મૃતદેહને પાણીમાંથી બહાર કાઢીને માળીયાની સરકારી હોસ્પિટલ ખાતે લઈને આવ્યા હતા અને આ બનાવની માળિયા મીયાણા તાલુકા પોલીસે નોંધ કરીને મૃતકની ઓળખ મેળવવા માટે તજવીજ શરૂ કરી છે
બનાવની જાણવા મળતી માહિતી મુજબ માળિયા મીયાણા નજીકથી પસાર થતી મચ્છુ નદીમાં કોઈ અજાણ્યો આધેડ પુરુષ ડૂબી ગયો હોવાથી તેનું મોત નીપજ્યું હતું જેથી કરીને પોલીસ ઘટના પહોંચી હતી અને ત્યારબાદ નદીમાં ડૂબી ગયેલા આધેડ વ્યક્તિના મૃતદેહને બહાર કાઢીને માળિયાની સરકારી હોસ્પિટલ ખાતે લઈને આવ્યા હતા અને અજાણ્યા ૫૦ વર્ષના આધેડ પુરુષનું પાણીમાં ડૂબી જવાના કારણે મોત થયું હોવાની માળીયા તાલુકા પોલીસ દ્વારા નોંધ કરીને હાલમાં મૃતક વ્યક્તિની ઓળખાણ મેળવવા માટે તજવીજ શરૂ કરવામાં આવી છે આ અંગેની આગળની વધુ તપાસ માળિયા તાલુકા પોલીસ સ્ટેશનના હેડ કોન્સ્ટેબલ જી.પી. મારુણીયા ચલાવી રહ્યા છે
રિક્ષા-કાર વચ્ચે અકસ્માત
મોરબીના ઊંચી માંડલ ગામથી નીચીમાંડલ ગામ તરફ જવાના રસ્તા ઉપરથી રીક્ષા પસાર થઈ રહી હતી ત્યારે રિક્ષા અને કાર વચ્ચે અકસ્માતનો બનાવ બન્યો હતો જેમાં મીતેશ માયાભાઇ રાતડીયા (૨૨), રાહુલ ભરતભાઈ ગગિયા (૩૮), દિવ્યેશ મોહનભાઈ સોનાગરા (૨૩) અને હિરેન મેરાભાઈ ગગીયા (૩૦) નામના ચાર યુવાનોને ઇજાઓ થઈ હતી જેથી કરીને તેઓને મોરબી શહેરના સામાકાઠા વિસ્તારમાં આવેલ ખાનગી હોસ્પિટલમાં સારવાર માટે લઇ આવ્યા હતા અને ત્યાં તેને સારવાર આપ્યા બાદ આ બનાવ અંગેની મોરબી તાલુકા પોલીસને જાણ કરતા પોલીસે બનાવની નોંધ કરી આગળની કાર્યવાહી કરી છે અને આ બનાવની આગળની વધુ તપાસ જશપાલસિંહ જાડેજા ચલાવી રહ્યા છે
