મોરબીમાં નોકરી અપાવવાના બહાને લઈ ગયા બાદ પરણીતા સાથે દુષ્કર્મ, આરોપીની ધરપકડ-જેલ હવાલે મોરબી તાલુકામાંથી સગીરાનું અપહરણ કરવાના ગુનામાં એક આરોપીની ધરપકડ મોરબીમાં સગીરા સાથે દુષ્કર્મ આચારવાના ગુનામાં બે આરોપીની ધરપકડ મોરબીમાં યુવાનને જાનથી મારી નાખવાની ધમકી આપીને વ્યાજની પઠાણી ઉઘરાણી કરવાના ગુનામાં વધુ એક આરોપીની ધરપકડ મોરબીમાં સમસ્ત હિન્દુ સેવા ગ્રુપ ગુજરાત દ્વારા સર્વજ્ઞાતિ સમૂહલગ્નનું આયોજન મોરબીમાં રબારી અને ભરવાડ સમાજની સભામાં શિક્ષણ, સંગઠન અને રાજકારણ ઉપર ભાર મુક્તા આગેવાનો મોરબીમાં ધક્કાવાળી મેલડી માતાજીના નવરંગ માંડવાનું આયોજન: ચૈત્રી નવરાત્રી નિમિતે રાસ ગરબાનું આયોજન હળવદના રાયસંગપર-મયુરનગર વચ્ચે નજીવી વાતમાં યુવાનને ચાર શખ્સોએ પાઇપ-ધોકા વડે મારમાર્યો

Breaking news

Morbi Today

એમપીની ચડ્ડીબનિયાન ધારી ગેંગ મોરબી જીલ્લામાં ધાડ પાડે તે પહેલા ત્રણ શખ્સને દબોચ્યા: ચાર ફરાર

02-01-2024 10:50 AM

એમપીની ચડ્ડીબનિયાન ધારી ગેંગ મોરબી જીલ્લામાં ધાડ પાડે તે પહેલા ત્રણ શખ્સને દબોચ્યા: ચાર ફરાર

મોરબી માળિયા હાઇવે ઉપર લક્ષ્મીનગર ગામ પાસ સેવરોલેટ ટવેરા ગાડીમાં કેટલાક લોકો શંકાસ્પદ હાલતમાં મળી આવ્યા હતા જેથી કરીને પોલીસે ગાડીમાં આવેલા શખ્સોની પોલીસે પૂછપરછ શરૂ કરી હતી તેવામાં તકનો લાભ લઈને ચાર શખ્સો ત્યાંથી નાશી ગયા હતા જો કે, પોલીસે ત્રણ શખ્સને ઝડપી લીધા હતા અને કારને ચેક કરી હતી ત્યારે કારમાં આવેલા શખ્સોની પાસેથી નાના-મોટા ડીસમિસ, ગણેશિયો, ટોર્ચ બત્તી વાયર કાપવાનું કટર વિગેરે જેવી વસ્તુઓ મળી આવી હતી જેથી કરીને મોરબી જીલ્લામાં ધાડ પાડવા માટે એમપીથી આવેલ ચડ્ડી બનીયાન ધારી ગેંગના ત્રણ શખ્સોને પકડીને પોલીસ દ્વારા તેની સામે મોરબી તાલુકા પોલીસ સ્ટેશન ખાતે ગુનો નોંધીને આગળની રાબેતા મુજબની કાર્યવાહી હાથ ધરવામાં આવી છે અને નાશી ગયેલા શખ્સોને પકડવા માટે ચક્રોગતિમાન કરેલ છે

શિયાળામાં રાત્રી દરમિયાન જુદી જુદી જગ્યાએ ચોરી, ધાડ, લુટ વગેરે જેવી ઘટનાઓ બનતી હોય છે દરમિયાન મોરબીના માળીયા હાઇવે ઉપર તાલુકા પોલીસની ટીમ પેટ્રોલિંગમાં હતી ત્યારે લક્ષ્મીનગર ગામ પાસે સેવરોલેટ કંપનીની ટવેરા કાર નંબર જીજે ૧૮ બીએચ ૪૪૭૪ ઊભી હતી અને તેમાં બધા જ પરપ્રાંતીય લોકો હતા જેથી કરીને કારમાં બેઠેલા શખ્સોની પોલીસે પૂછપરછ શરૂ કરી હતી ત્યારે કારમાં બેઠેલા શખ્સોમાંથી તકનો લાભ લઈને ચાર શખ્સો નાશી ગયા હતા જો કે, પોલીસે સ્થળ ઉપરથી ત્રણ શખ્સને ઝડપી લીધા હતા

હાલમાં મળતી માહિતી મુજબ લક્ષ્મીનગર ગામની સીમમાં અન્નપૂર્ણા હોટેલ નજીક સાઈ કાંટા પાસે ઉભેલ કારમાંથી બે નાના મોટા ડિસમિસ, લોખંડનો ગણેશિયો, માથા ઉપર પહેરવાની ટોર્ચ બત્તી વગેરે જેવા સાધનો અને હથિયાર મળી આવ્યા હતા જેથી કરીને પોલીસે કુલ મળીને ૧.૧૦ લાખનો મુદામાલ કબજે કર્યો હતો અને બેઠેલા શખ્સોમાંથી કૈલાશભાઈ પારસિંગ ભુરીયા જાતે આદિવાસી (૩૧) રહે. ફૂટતાલાબ તાલુકો જોબટ અલીરાજપુર મધ્ય પ્રદેશ, પિયારસિંગ ઉર્ફે ભગત રણજિત વસુનીયા જાતે આદિવાસી (૪૫) રહે. માયાવાટ નંદીદડી ફળિયું અલીરાજપુર મધ્યપ્રદેશ અને જયદીપ રણુભાઈ બામણીયા જાતે આદિવાસી (૨૪) રહે. કોરિયા પાન તાડફડિયું અલીરાજપુર મધ્ય પ્રદેશ વાળાની ધરપકડ કરેલ છે

આ શખ્સોની પ્રાથમિક પૂછપરછમાં કારમાં બેઠેલા જે ચાર શખ્સો નાસી ગયા છે તેમાં વિજય રૂપસિંગ ભુરીયા જાતે આદિવાસી રહે. ફૂટતાલાબ તાલુકો જોબટ અલીરાજપુર, મુકેશ દલસિંગ અમલીયાર જાતે આદિવાસી રહે. વાઘાટી ફૂટતાલાબ અલીરાજપુર, પપ્પુ બુલુર આદિવાસી રહે. ખાણીયામ્બા તાલુકો ટાંડા અલીરાજપુર અને ભાયા નકતા આદિવાસી રહે ખાણીયામ્બા તાલુકો ટાંડા અલીરાજપુર વાળાના નામ સામે આવેલ છે જેથી કરીને પોલીસે આ ચાર શખ્સોને પકડવા માટે થઈને તજવીજ શરૂ કરેલ છે

અત્રે ઉલ્લેખનીય છે કે આ ગેંગ દ્વારા મોરબી જિલ્લાના કોઈપણ વિસ્તારમાં ચોરી, લૂંટ કે ધાડ જેવી ઘટનાને અંજામ આપવામાં આવે ત્યાર પહેલા ગેંગના ત્રણ શખ્સોને ઝડપી લેવામાં આવ્યા છે અને તેની સામે મોરબી તાલુકા પોલીસ સ્ટેશન ખાતે આઇપીસી કલમ ૩૯૯ મુજબ ગુનો નોંધીને પોલીસ દ્વારા આગળની રાબેતા મુજબની કાર્યવાહી હાથ ધરવામાં આવી છે