મોરબી છાત્રાલય રોડ ખાતેથી ૯ બોટલ દારૂ પકડાઈ, ત્રણ સામે ફરિયાદ મોરબીની માધાપરવાડી શાળામાં બ્રહ્માકુમારી દ્વારા નશા મુક્ત અભિયાનનો કાર્યક્રમ યોજાયો મોરબી જિલ્લાના મોટા દહીસરા ગામે આન, બાન અને શાનથી પ્રભારી મંત્રીના હસ્તે તિરંગો આકાશમાં લહેરાવીને સલામી આપાઈ માળીયા (મી)માં અગાઉ થયેલ બોલાચાલીનો ખાર રાખીને યુવાન સહિત બે વ્યક્તિ ઉપર છરી-ધોકા વડે 4 શખ્સનો હુમલો વાંકાનેરમાં ભિક્ષાવૃતિ કરીને મહિલાએ એકત્રિત કરેલ 50,000 રૂપિયાની અજાણ્યા શખ્સે કરી ચોરી હળવદના બુટવડા ગામે જુગાર રમતા 5 શખ્સ ઝડપાયા હળવદના ઢવાણા ગામે યુવાને કર્યો આપઘાત: મોરબીના લાલપર ગામે તાવની બીમારીમાં બાળકીનું મોત મોરબી ગ્રાહક સુરક્ષા મંડળની લડતથી વિમેદારને આઠ લાખ ખર્ચ સહીત ચૂકવવા હુકમ

Breaking news

Morbi Today

મોરબીના જાંબુડીયા ગામ પાસે સીરામીક યુનિટમાં ગરમ કોલસામાં પડતી દીકરીઓને બચાવવા જતા દાજી ગયેલ મહિલા રાજકોટ ખસેડાયા

17-10-2023 10:52 AM

મોરબીના વાંકાનેર હાઇવે ઉપર આવેલા જાંબુડીયા ગામ પાસે સિરામિક યુનિટની અંદર માતા-પુત્રીઓ દાજી જવાનો બનાવ બન્યો હતો જેમાં ગરમ કોલસામાં પડી રહેલ દીકરીને બચાવવા જતા સમયે માતા દાજી જતા તેણીને સારવાર માટે રાજકોટ લઈ જવામાં આવી હોવાનું જાણવા મળેલ છે.રાજકોટ હોસ્પિટલ સુત્રોમાંથી મળતી માહિતી પ્રમાણે મોરબીના જાંબુડીયા ગામ પાસે આવેલ સિરામીક યુનીટમાં ભુલથી ગરમ કોલસામાં જઇ રહેલ દીકરીઓને બચાવવા જતા સમયે કંચનબેન જીતેશભાઈ કુંઢીયા (ઉમર ૩૦) રહે.મકનસર તા.જી.મોરબી તેમજ તેમની દીકરીઓ રોશની જીતેશભાઈ (૧૦) અને નેન્સી જીતેશભાઈ (૭) ત્રણેય દાજી જતા સારવાર માટે રાજકોટ લઈ જવામાં આવ્યા હતા.

વૃદ્ધા સારવારમાં

મોરબીના સામાકાંઠે આવેલા ઉમા ટાઉનશિપ વિસ્તારમાં રહેતા રમાબેન ઓધવજીભાઈ ઝાલરીયા નામના ૬૫ વર્ષના વૃદ્ધાને વાહન અકસ્માતમાં ઇજા થતા ખાનગી હોસ્પિટલએ સારવાર માટે લઈ જવામાં આવ્યા હતા.પોલીસ સૂત્રોના જણાવ્યા પ્રમાણે રમાબેન ઝાલરીયા ઘરેથી બાઈકના પાછળના ભાગે બેસીને સીટી વિસ્તારમાંથી જતા હતા ત્યારે ત્યાં રસ્તામાં આવેલ જુના બસ સ્ટેશન નજીક તેઓનું બાઈક અકસ્માતે રોડ ઉપર સ્લીપ થઈ ગયું હતું.જેથી તેઓ નીચે પડી જતા ઇજાઓ થતા તેમને સારવાર માટે લઈ જવાયા હતા. તેમજ મોરબી વાંકાનેર હાઇવે ઉપર આવેલ વાંકાનેરની ઢુવા ચોકડી પાસે વાહન અકસ્માતનો બનાવ બન્યો હતો.જે બનાવમાં સુરેન્દ્રનગરના રહેવાસી પુષ્પાબેન મનુભાઈ ચાવડા નામની ૪૨ વર્ષીય મહિલાને ઇજાઓ થતા તેને મોરબીની સિવિલ હોસ્પિટલમાં સારવાર માટે લાવવામાં આવ્યા હતા તેમ પોલીસ સૂત્રોએ જણાવેલ છે.

મહિલા સારવારમાં

મોરબીના વાવડી રોડ ઉપર આવેલ સોમૈયા સોસાયટીમાં રહેતા પૂજાબેન વાલજીભાઈ ચાવડા નામની ૩૨ વર્ષીય મહિલા કોઈ અગમ્ય કારણોસર ફીનાઇલ પી ગયા હોય તેઓને સારવાર માટે સિવિલે લાવવામાં આવ્યા છે તેમ પોલીસસુત્રોએ જણાવેલ છે.વધુમાં એ ડિવિઝન પોલીસ સૂત્રોના જણાવ્યા પ્રમાણે પૂજાબેનને પતિ સાથે કોઇ બાબતે બોલાચાલી થઈ હતી તે બાબતના મનદુ:ખમાં તેઓએ ઉપરોક્ત પગલું ભરી લીધું હોવાનું હાલ પ્રાથમિકપણે જાણવા મળેલ છે આ બાબતે એ ડિવિઝન પોલીસ મથકના એમ.જી.વાળા વધુ તપાસ ચલાવી રહ્યા છે.