મોરબીમાં મોબાઇલના વેપારીને ચેક રીટર્ન કેસમાં ડબલ રકમનો દંડ: છ માસની સજા
Morbi Today
મોરબીના રવાપર રોડ ઉપર જુગાર રમતા બે પકડાયા ચાર ભાગી છુટ્યા
SHARE
JOIN OUR GROUP
મોરબીના રવાપર રોડ ઉપર જુગાર રમતા બે પકડાયા ચાર ભાગી છુટ્યા
મોરબી સીટી એ ડિવિઝન પોલીસ સ્ટાફને નાઇટ રાઉન્ડ દરમિયાન મળેલ બાતમીના આધારે મોરબીના રવાપર રોડ ઉપર આવેલ પરસોતમ ચોક સતવારા બોર્ડિંગ નજીક રેડ કરી હતી ત્યારે ત્યાં જાહેરમાં જુગાર રમવામાં આવી રહ્યો હતો.જેથી પોલીસે ત્યાં રેડ કરતા સ્થળ ઉપરથી બે શખ્સો જુગાર રમતા પકડાયા હતા જ્યારે સ્થળ ઉપરથી તકનો લાભ લઈને ચાર પતાપ્રેમીઓ ભાગી છુટયા હોય હાલ છએયની સામે જુગારધારા હેઠળ ગુનો નોંધવામાં આવ્યો છે અને તે અંગે આગળની તપાસ ચલાવવામાં આવી રહી છે.
મોરબી સીટી એ ડિવિઝન પોલીસ સુત્રોમાંથી મળતી માહિતી પ્રમાણે મોરબીના ડી સ્ટાફના માણસો રાઉન્ડમાં હતા.તે દરમિયાનમાં મોડીરાત્રિના રવાપર રોડ ઉપર આવેલા પુરષોત્તમ ચોક નજીક આવેલ સતવારા બોર્ડિંગની બાજુમાં જાહેરમાં જુગાર રમવામાં આવી રહ્યો હોવા અંગેની પોલીસને બાતમી મળી હતી.જેને આધારે પોલીસ સ્ટાફે ત્યાં પહોંચીને રેડ કરી હતી.ત્યારે સ્થળ ઉપરથી જુગાર રમી રહેલાઓ પૈકીના સાહિલ જવાહરલાલ પાલ રહે.ગાયત્રીનગર મોરબી-૨ અને મયુર લાલજીભાઇ દેગામા જાતે કોળી (ઉમર ૨૭) રહે.કાલિકા પ્લોટ વાળા સ્થળ ઉપરથી જુગાર રમતા પકડાઈ ગયા હતા અને તેઓ પાસેથી રોકડા રૂપિયા ૨૬,૨૦૦ જપ્ત કરવામાં આવ્યા હતા.જ્યારે પોલીસને જોઈને તકનો લાભ લઇ સ્થળ ઉપરથી તોફીક ઈબ્રાહીમભાઇ ચાનિયા જાતે સંધિ રહે. પરસોતમ ચોક, સુરેશ સવજીભાઇ કોળી રહે.કાલિકા પ્લોટ, જીવણ છન્નાભાઇ ચૌહાણ રહે.કાલિકા પ્લોટ અને મકસુદ ચૌહાણ રહે.ત્રાજપર સામાકાંઠે મોરબી-૨ સ્થળ ઉપરથી ભાગી છુટ્યા હતા.જેથી ઉપરોક્ત છ પતાપ્રેમીઓની સામે એ ડિવિઝન પોલીસ મથક ખાતે જુગારધારાની કલમ હેઠળ ગુનો નોંધવામાં આવ્યો હતો અને ભાગી છુટેલા ચારેયને પકડવા પોલીસ દ્વારા આગળની તપાસ શરૂ કરવામાં આવી છે.
પોલીસ કર્મચારી ઈજાગ્રસ્ત
મોરબીની સબજેલ ખાતે ફરજ બજાવતા મહિપતભાઈ રણછોડભાઈ ડોબરીયા (ઉંમર ૩૨) ને વાહન અકસ્માતમાં ઇજા થતા અત્રેની સિવિલ હોસ્પિટલે સારવાર માટે લઈ જવામાં આવ્યા હતા.જાણવા મળતી વખતો મુજબ તેઓ બાઈક લઈને ધક્કાવાળી મેલડી માતાના મંદિર પાસેથી નવલખી રોડ ઉપરથી જતા હતા ત્યારે કોઇ અજાણી યુવતીએ પાછળ જોયા વિના જ એકટીવાનો અચાનક વણાંક લઇ લેતા તેઓએ બ્રેક મારવા જતા મહિપતભાઇનું વાહન સ્લીપ થઈ ગયું હતું જે બનાવમાં ઇજા પામેલા મહિપતભાઈ ડોબરીયા નામના પોલીસ કર્મચારીને સારવાર માટે દવાખાને લઈ જવામાં આવ્યા હોવાનું સૂત્રોમાંથી જાણવા મળે છે આ બાબતે એ ડિવિઝન પોલીસ મથકના વી.કે.પટેલ આગળની તપાસ ચલાવી રહ્યા છે.
ઝેરી અસર થતા સારવારમાં
મોરબીના પંચાસર રોડ રાજનગર વિસ્તારમાં રહેતા જીતેન્દ્રભાઈ જસમતભાઈ નેસડિયા નામના ૫૦ વર્ષીય આધેડને તેઓની વાડી ખાતે દવા છાંટતા સમયે ઝેરી અસર થવાથી તેમને સારવાર માટે અત્રેની ખાનગી હોસ્પિટલએ સારવારમાં લઈ જવામાં આવ્યા હતા અને આ બનાવ સંદર્ભે જાણ થતા હાલ તાલુકા પોલીસ મથકના એન.જે.ખડિયા દ્વારા આગળની તપાસ ચલાવવામાં આવી રહી છે.
