ગોલમાલને લાગશે રોક: મોરબીના ડીડીઓએ પવનચક્કીની મંજૂરી માટે મહત્વનો પરીપત્ર બહાર પડ્યો
Morbi Today
મોરબીના મકનસર ગામે જાહેરમાં જુગાર રમતા સાત શખ્સો ૧૫,૫૦૦ ની રોકડ સાથે પકડાયા
SHARE
JOIN OUR GROUP
મોરબીના મકનસર ગામે જાહેરમાં જુગાર રમતા સાત શખ્સો ૧૫,૫૦૦ ની રોકડ સાથે પકડાયા
મોરબીના મકનસર ગામે શેરીમાં સ્ટ્રીટ લાઇટના અજવાળે જુગાર રમતા હોવાની બાતમી મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપરથી સાત શખ્સો જુગાર રમતા મળી આવ્યા હતા જેથી પોલીસ તેની પાસેથી ૧૫,૫૦૦ ની રોકડ કબજે કરી મોરબી તાલુકા પોલીસ સ્ટેશન ખાતે જુગાર ધારા હેઠળ ગુનો નોંધી આગળની કાર્યવાહી હાથ ધરી છે
જાણવા મળતી માહિતી મુજબ મોરબી તાલુકા પોલીસની ટીમ પેટ્રોલિંગમાં હતી ત્યારે મોરબી તાલુકાના મકનસર ગામ પાસે શેરીમાં જાહેરમાં સ્ટ્રીટ લાઇટના અજવાળે જુગાર રમતા હોવાની બાતમી મળી હતી જેથી પોલીસે ત્યાં જુગારની રેડ કરતા સ્ટ્રીટ લાઈટના અજવાળે જુગાર રમતા સાત શખ્સો મળી આવ્યા હતા જેમાં રાહુલભાઈ હકાભાઇ બાબરીયા, હરેશભાઈ મનુભાઈ બાબરીયા, વિશાલભાઈ ટીકુભાઇ દેગામા, વિવેકભાઈ દુવરાજભાઈ બાબરીયા, દેવજીભાઈ ભાણજીભાઈ થરેસા, કિશોરભાઈ વેલજીભાઈ સારલા અને અજીતભાઈ બચુભાઈ બાબરીયા રહે. બધા મકનસર વાળા જુગાર રમતા મળી આવ્યા હતા જેથી પોલીસે તેની પાસેથી ૧૫,૫૦૦ ની રોકડ કબજે કરી મોરબી તાલુકા પોલીસ સ્ટેશન ખાતે જુગારધારા હેઠળ ગુનો નોંધી આગળની કાર્યવાહી હાથ ધરી હતી
બાઇક સ્લીપ
મોરબી નજીકના મહેન્દ્રનગર ગામે રહેતા શૈલેષભાઈ કાનજીભાઈ સરસાવડીયા (૩૬) મહેન્દ્રનગર ચોકડી પાસે આવેલ ક્રાંતિ જ્યોતિ એપાર્ટમેન્ટ નજીકથી પોતાનું બાઈક લઈને પસાર થઇ રહ્યા હતા ત્યારે તેનું બાઈક અકસ્માતે સ્લીપ થઈ ગયું હતું જેથી ઈજા પામેલા યુવાનને સારવાર માટે મોરબી શહેરમાં આવેલ ખાનગી હોસ્પિટલમાં લઈને આવ્યા હતા ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી સીટી બી ડિવિઝન પોલીસને જાણ કરવામાં આવતા પોલીસે અકસ્માતના બનાવની નોંધ કરી આગળની કાર્યવાહી હાથ ધરી છે આ બનાવની આગળની વધુ તપાસ મોરબી બી ડિવિઝન પોલીસ સ્ટેશનના જે.જે. ડાંગર ચલાવી રહ્યા છે
મારામારીમાં ઇજા
મોરબીના સામાકાંઠા વિસ્તારમાં શિવમ પાર્ક સોસાયટીમાં રહેતા વસંતભાઈ કાળાભાઈ મકવાણા (૬૬) નામના વૃદ્ધને તેના ઘર પાસે થયેલ મારામારીના બનાવમાં ઈજા થઈ હતી જેથી ઈજા પામેલા વૃદ્ધને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ મારામારીના આ બનાવાની હોસ્પિટલ મારફતે મોરબી સીટી બી ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી હતી અને આ બનાવની આગળની વધુ તપાસ વાલભા ચાવડા ચલાવી રહ્યા છે
