હળવદના સાપકડામાં જૂના મનદુખનો ખાર રાખીને યુવાન અને તેના ભાઈ ઉપર તલવાર વડે હુમલો

હળવદ તાલુકાના સાપકડા ગામે યુવાન અને તેના ભાઈ સાથે ચાલતા જૂના મનદુખનો ખાર રાખીને પથ્થરના છૂટા ઘા કરવામાં આવ્યા હતા જેથી કરીને યુવાન અને તેનો ભાઈ આરોપીના ઘરે ગયા હતા ત્યારે આરોપીએ તલવાર વડે હુમલો કર્યો હતો અને યુવાને અંગૂઠામાં કાયમી ખોટ રહી જાય તેવી ઈજા કરેલ છે તેમજ તેના ભાઈને સાણથાનો ઘા મારીને માથામાં ઇજા કરી હતી જેથી કરીને બંને ઈજાગ્રસ્તોને સારવારમાં લઈ આવ્યા હતા અને સારવાર લીધા બાદ યુવાને હાલમાં બે શખ્સોની સામે હળવદ તાલુકા પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે

બનાવની જાણવા મળતી માહિતી પ્રમાણે હળવદ તાલુકાના સાપકડા ગામે રહેતા અને ખેતી કામ કરતા પ્રકાશભાઈ હરેશભાઈ ઉર્ફે હરિભાઈ ચાવડા જાતે દલવાડી (૨૬) એ હાલમાં હળવદ તાલુકા પોલીસ સ્ટેશન ખાતે પ્રભુભાઈ મગનભાઈ ચાવડા અને ભવાનભાઇ મગનભાઈ ચાવડા રહે બંને સાપકડા વાળાની સામે ફરિયાદ નોંધાવી છે જેમાં તેને જણાવ્યુ છે કે, સાપકડા ગામના બસ સ્ટેશન પાસેથી ફરિયાદી તથા તેનો ભાઈ ભાવેશ બંને બાઈક ઉપર જઈ રહ્યા હતા ત્યારે જુના મન દુઃખનો ખાર રાખીને આરોપી પ્રભુભાઈ મગનભાઈ ચાવડાએ પથ્થરનો છૂટો ઘા કર્યો હતો અને ત્યાર બાદ તે ત્યાંથી જતો રહ્યો હતો જેથી કરીને ફરિયાદીને તેનો ભાઈ આરોપીના ઘરે જતા આરોપીના ભાઈ ભવનભાઈએ તલવાર વડે હુમલો કર્યો હતો અને ફરિયાદી પ્રકાશભાઈ ચાવડાને જમણા હાથના અંગૂઠામાં કાયમી ખોટ રહી જાય તેવી ઇજા કરી હતી અને ભાવેશભાઈને આરોપી પ્રભુએ સાણથાનો ઘા માથામાં મારી ઇજા કરી હતી જેથી કરીને બંને ઈજાગ્રસ્તોને સારવાર માટે હોસ્પિટલે લઇ આવ્યા હતા અને હોસ્પિટલે સારવાર લીધા બાદ પ્રકાશભાઈએ હાલમાં બે શખ્સોની સામે ફરિયાદ નોંધાવતા પોલીસે ગુના નોંધી આરોપીને પકડવા માટે શરૂ કરેલ છે