મોરબીનો આફતાબ સમા રાજકોટની 13 વર્ષની સગીરાનું અપહરણ કરી ફરાર
SHARE
JOIN OUR GROUP
મોરબીનો આફતાબ સમા રાજકોટની 13 વર્ષની સગીરાનું અપહરણ કરી ફરાર
રાજકોટના બી ડિવિઝન પોલીસ મથકે ગુનો દાખલ થયો: આરોપીની શોધખોળ
મોરબીના લીલાપર આવાસ કવાર્ટરમાં રહેતા આફતાબ હાજીભાઈ સમા વિરૂધ્ધ રાજકોટના બી ડિવિઝન પોલીસ મથકમાં 13 વર્ષની સગીરાને અપહરણ કરી ભગાડી જવાની ફરિયાદ નોંધાતા પોલીસે આરોપી આફતાબ અને અપહૃત સગીરાની શોધખોળ હાથ ધરી છે. ફરિયાદમાં ભગવતીપરામાં રહેતી સગીરાની માતાએ જણાવ્યું કે તા.18 ના રોજ તેની દીકરી કેટરર્સમાં જવાનું કહી નીકળી હતી. સાથે તેની બહેનપણી પણ છે તેમ કહ્યું હતું.
બપોરે નિકળેલી દીકરી રાત્રે ઘરે ન આવતા તેની બહેનપણીને ફોન કરતા તેણીએ ફંકશનમાં હોવાનું કહેલું પણ બહેનપણીના ઘરે તપાસ કરતા તે ઘરે જ હતી.તેને પુછતા જણાવેલ કે 13 વર્ષીય સગીરા બપોરે જ પારેવડી ચોકથી ચાલી ગઈ હતી. તેણે ઘરે કેટરર્સનું ખોટું કહ્યું હતું. બહેનપણીએ કહેલ કે સગીરા આફતાબ સાથે ફોન પર વાતો કરતી હતી જેથી મોરબી આફતાબના ઘરે તપાસ કરતા તે મળી આવ્યો નહોતો. આફતાબના પિતા જેલમાં હોય અને માતા હયાત ન હોય ઘર પણ બંધ હતું. જે પછી આ અપહરણની ફરિયાદ સગીરાની માતાએ નોંધાવતા પોલીસે આફતાબની શોધખોળ કરી રહી છે.
