હળવદના ગોલાસણ ગામે વાડીએ જાટકાના વાયરમાંથી શોર્ટ લાગતા યુવાનનું મોત

હળવદના ગોલાસણ ગામની સીમમાં આવેલ વાડીએ યુવાન મગફળીના વાવેતરમાં પાણી વાળતો હતો દરમિયાન જાટકાના વાયરને અડી જવાના કારણે તે યુવાને શોટ લાગ્યો હતો અને યુવાનનું મોત નીપજ્યું હતું જેથી તેના મૃતદેહને પીએમ માટે હોસ્પિટલે લઈ ગયા હતા અને આ બનાવની મૃતક યુવાનના માતાએ હળવદ તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે

મૂળ રાપર તાલુકાનાં પલાસવા ગામના રહેવાસી અને હાલમાં હળવદ તાલુકાના ગોલાસણ ગામની સીમમાં રહેતા અને મજૂરી કામ કરતા નરેશભાઈ ધનજીભાઈ ઉર્ફે ધનાભાઈ કોળી (27) નામના યુવાનને ગોલાસણ ગામની સીમમાં નારણભાઈ સાવડીયાની વાડીએ કામ કરતો હતો અને ત્યારે મગફળીના વાવેતરમાં પાણી વાળતા સમયે કોઈપણ કારણોસર જાટકાના વાયરને અડી જતા શોર્ટ લાગ્યો હતો જેથી કરીને તેનું મોત નીપજ્યું હતું અને આ બનાવ અંગેની મૃતક યુવાનના માતા બબીબેન ધનજીભાઈ કોળી (50) રહે હાલ ગોલાસણ વાળાએ હળવદ તાલુકા પોલીસ સ્ટેશન ખાતે જાણ કરતા પોલીસે અકસ્માત મૃત્યુના બનાવની નોંધ કરી આગળની કાર્યવાહી હાથ ધરી છે