હળવદના નવા ઘનશ્યામગઢ ગામે મંડપ સર્વિસનું કામ કરતાં આધેડને જાનથી મારી નાખવાની ધમકી

હળવદના નવા ઘનશ્યામગઢ ગામે રહેતા અને મંડપ સર્વિસનું કામકાજ કરતા આધેડને તે ગામની અંદર રહેતા શખ્સે પોતાના સગાને મંડપ સર્વિસની મજૂરી કરવા માટે ન લઈ જવાનું કહ્યું હતું અને જાનથી મારી નાખવાની ધમકી આપી હતી જેથી હાલમાં ભોગ બનેલા આધેડે હળવદ તાલુકા પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે

હળવદ તાલુકાના નવા ઘનશ્યામગઢ ગામે રહેતા કાંતિલાલ હરખાભાઈ સુરાણી (54)એ હળવદ તાલુકા પોલીસ સ્ટેશન ખાતે રતિલાલ ઘોઘજીભાઈ કોળી રહે. નવા ઘનશ્યામગઢ વાળા સામે ફરિયાદ નોંધાવેલ છે જેમાં તેને જણાવ્યુ છે કે, ફરિયાદી ગામમાં આવેલ તેના મંડપ સર્વિસના ગોડાઉન પાસે હતા ત્યારે આરોપીએ ત્યાં આવીને ફરિયાદીને મંડપ સર્વિસના મજૂરી કામમાં તેઓના સગાને લઈ જવાની ના પાડી હતી અને જો લઈ જઈશ તો તને જાનથી મારી નાખીશ તેવી ફરિયાદિત તથા સાહેદને ધમકી આપી હતી જેથી ભોગ બનેલા આધેડ દ્વારા હળવદ તાલુકા પોલીસ સ્ટેશન ખાતે ફરિયાદ નોંધાવવામાં આવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે