મોરબીમાં યંગ ઇન્ડિયા ગ્રુપ દ્વારા કાલથી સંકલ્પ નવરાત્રિ મહોત્સવ શરૂ: તમામ બેહનો માટે ફ્રી એન્ટ્રી
Morbi Today
મોરબીના બંધુનગર પાસે ઢોર માર મારીને યુવાનની હત્યા: ચાર શખ્સો સામે નોંધાયો ગુનો
SHARE
JOIN OUR GROUP
મોરબીના બંધુનગર પાસે ઢોર માર મારીને યુવાનની હત્યા: ચાર શખ્સો સામે નોંધાયો ગુનો
મોરબીના બંધુનગર ગામ પાસેથી શનિવારે સાંજના સમયે ઢોર માર મારીને યુવાનની હત્યા કરેલ હાલતમાં લાશ સિરામિક કારખાનામાંથી મળી આવી હતી જેથી આ બનાવની મોરબી તાલુકા પોલીસને જાણ કરવામાં આવી હતી અને ત્યાર બાદ મૃતદેહને પીએમ માટે ખસેડવામાં આવેલ હતો અને આ મૃતક યુવાનની ઓળખ થઈ ગયા બાદ હાલમાં મૃતક યુવાનના ભાઈએ મોરબી તાલુકા પોલીસ સ્ટેશન ખાતે ચાર શખ્સોની સામે હત્યાની ફરિયાદ નોંધાવતાં પોલીસે આરોપીઓને પકડવા માટે તજવીજ શરૂ કરેલ છે
મળતી માહિતી મુજબ મોરબીના બંધુનગર નજીક પેટ્રોલ પંપ પાસે આવેલ કારખાનાના ગેઇટ પાસેથી અજાણ્યા યુવાન પુરુષની ઢોર માર મારીને હત્યા કરેલી લાશ મળી હતી જેથી મોરબી તાલુકા પોલીસને બનાવની જાણ કરવામાં આવતા પોલીસે ઘટના સ્થળે પહોચી હતી અને યુવાનના મૃતદેહને સિવિલે ખસેડીને મૃતક વ્યક્તિ કોણ છે તેની ઓળખ મેળવવા માટેની તજવીજ શરૂ કરવામાં આવી હતી અને ત્યારે બાદ મોરબી તાલુકા પીએસઆઈ અજમેરી સાથે વાત કરતાં તેમણે જણાવ્યુ હતું કે, મૃતક વ્યક્તિનું નામ મંગલસિંગ લક્ષ્મણભાઈ ભાભર જાતે આદિવાસી (૨૯) રહે, હાલ મોરબી મૂળ ઋણજી ગામ પેટલાવાદ, જાંબવા એમપી વાળો છે અને તેના પરિવારજનો મોરબી આવી ગયેલ છે
હાલમાં મૃતક યુવાનના ભાઈ નાથુ લક્ષમણ ભાભર જાતે આદિવાસી (૩૩) રહે. રૂણજી, ભુરીયા ફળીયા,ઘુઘરી, તાલુકો પેટલાવદ જીલ્લો જાંબુઆ (એમ.પી.) વાળાએ શૈલેષ પસવાભાઇ પરમાર જાતે આદિવાસી, વિક્રમ સીતારામ જાટમ, રાજેશ મુળજીભાઇ પટેલ તથા પ્રવિણ રણછોડભાઇ પટેલ રહે. બધા હાલ એપલ સીરામીક કારખાનામાં બંધુનગર વાળાની સામે તેના ભાઈ મંગલસિંગ લક્ષ્મણભાઈ ભાભરની હત્યાની ફરિયાદ નોંધાવી છે જેથી કરીને પોલીસે આરોપીઓને પકડવા માટે તજવીજ શરૂ કરેલ છે અત્રે ઉલેખનીય છે કે, મંગલસિંગ લક્ષ્મણભાઈ ભાભર શંકાસ્પદ લાગતા તેને પકડીને ચારેય આરોપીઓએ તેને ઢીકાપાટુ, લાકડી કે ધોકા વડે માર માર્યો હતો જેથી મંગલસીંગનું મોત નીપજયું છે માટે પોલીસે આરોપીઓને પકડવા માટે ચક્રોગતિમાન કરેલ છે
