વાંકાનેરના રાતાવિરડામાં જુગારની રેડ પડતાં જુગારીઓના નાશભાગ: ૩.૧૫ લાખના મુદામાલ સાથે ૭ ઝડપાયા, ૩ ફરાર
Morbi Today
અજબ પ્રેમ કી ગજબ કહાની: મોરબીમાં પરિવારે કામ ધંધો ન કરતાં યુવાન સાથે સગાઈ તોડી નાખતા યુવતી ઘરેથી ભાગી ગઈ!
SHARE
JOIN OUR GROUP
અજબ પ્રેમ કી ગજબ કહાની: મોરબીમાં પરિવારે કામ ધંધો ન કરતાં યુવાન સાથે સગાઈ તોડી નાખતા યુવતી ઘરેથી ભાગી ગઈ!
અજબ પ્રેમ કી ગજબ કહાની જેવો કિસ્સો મોરબીમાં સામે આવ્યો છે અને તેમાં યુવતીની સગાઈ થઈ ગઈ હતી જોકે, યુવતીની સગાઈ જે યુવાન સાથે કરવામાં આવી હતી તે કામા ધંધો કરતો ન ન હોવાથી યુવતીના પરિવારજનો દ્વારા સગાઈ તોડી નાખવામાં આવી હતી અને તેમ છતાં પણ યુવતીને તે યુવાન ગમતો હતો જેથી યુવતી પોતાના ઘરેથી ભાગી ગઈ હતી અને ત્યારબાદ તે પોલીસને તેમજ સંબંધિત વિભાગને મળતાં તેની પૂછપરછ કર્યા બાદ હાલમાં યુવતીને મોરબીમાં આવેલ વિકાસ ગૃહ ખાતે મોકલી આપવામાં આવી છે.
સામાન્ય રીતે કોઈપણ માતા પિતા તેની દીકરીનો સંબંધ કમાતા ધમાતા યુવાન સાથે કરાવીને તેનો સુખી સંસાર ચાલે તે પ્રકારની ઈચ્છા રાખતા હોય છે આવી જ રીતે મોરબીમાં રહેતા એક પરિવારે તેની દીકરીની સગાઈ એક યુવાન સાથે કરાવી હતી.પરંતુ ત્યારબાદ ખબર પડી કે યુવાન કમાતો નથી જેથી યુવતીના પરિવારજનો દ્વારા તે સગાઈને તોડી નાખવામાં આવી હતી પરંતુ યુવતીની જે યુવાનની સાથે સગાઈ કરવામાં આવી હતી.તે યુવાન તેને ગમતો હોવાથી તે પોતાના ઘરે કોઈને કશું કહ્યા વગર નીકળી ગઈ હતી અને ત્યારબાદ તેની જાણ પોલીસને થતા પોલીસ તેમજ સંબંધિત વિભાગના અધિકારી દ્વારા તે યુવતીની પૂછપરછ કરવામાં આવી હતી અને ત્યારબાદ યુવતીએ સમગ્ર માહિતી અધિકારીઓને જણાવી હતી અને યુવતી તેના પરિવારજનો પાસે જવા ન માગતી હોવાથી તેને હાલમાં મોરબીમાં આવેલ વિકાસ ગૃહ ખાતે મુકવામાં આવી હોવાનું જાણવા મળી રહ્યું છે.
ઝેરી દવા પી લેતા સારવારમાં
મોરબી જિલ્લાના માળિયા મીંયાણા તાલુકામાં આવેલા સરવડ ગામે સાનવી જેલ ઇન્ડસ્ટ્રીઝ નામના યુનિટ પાસે કોઈ કારણોસર રેડઇટ નામની ઝેરી દવા પી લેતા રોહિત સકશેના નામના ૨૪ વર્ષના યુવાનને મોરબીની સિવિલ હોસ્પિટલે સારવાર માટે લાવવામાં આવ્યો હતો જેથી એ ડિવિઝન પોલીસ મથકના એચ.એમ.ચાવડા દ્વારા પ્રાથમિક તપાસ કરીને બનાવ સંદર્ભે માળિયા પોલીસને જાણ કરવામાં આવી હતી.
મારામારીમાં ઇજા
મોરબી નજીકના ટીંબડી ગામ પાસે મારામારીનો બનાવ બન્યો હતો જે બનાવમાં ટીંબડી ગામે રહેતા રાજુભાઈ અવચરભાઈ વાઘેલા (ઉંમર ૩૮) ને ઇજાઓ થઇ હોવાથી તેને મોરબીની સિવિલ હોસ્પિટલમાં સારવાર માટે લઈને આવ્યા હતા અને મારામારીના આ બનાવની મોરબી તાલુકા પોલીસ સ્ટેશનને જાણ કરવામાં આવતા પોલીસે બનાવની નોંધ કરીને આગળની કાર્યવાહી હાથ ધરી છે.
