હળવદના કડીયાણા ગામ પાસે આગ લાગતા ટ્રક અને પેપરનો જથ્થો બળીને ખાખ
SHARE
JOIN OUR GROUP
મોરબી હળવદ હાઇવે રોડ ઉપર આવેલ કડીયાણા ગામના પાટીયા નજીકથી પસાર થતા ટ્રકમાં કોઈ કારણોસર આગ લાગી હતી જેથી આ બનાવની ફાયર વિભાગની ટીમને જાણ કરતા મોરબી અને હળવદની ફાયર ટીમ ઘટના સ્થળે પહોંચી હતી અને ટ્રકમાં લાગેલા આગને કાબુમાં લેવા માટે પાણીનો મારો ચલાવવામાં આવ્યો હતો જો કે, આગ કાબુમાં આવી ત્યાં સુધીમાં ટ્રક બળીને ખાખ થઈ ગયો હતો.
મોરબીના હળવદ રોડ ઉપર આવેલ કડીયાણા ગામના પાટીયા પાસેથી ટ્રક ચાલક પોતાનું વાહન લઈને પસાર થઈ રહ્યો હતો ત્યારે કોઈ કારણોસર ટ્રકમાં આગ લાગી હતી અને જોત જોતામાં આખો ટ્રક આગની જપેટમાં આવી ગયો હતો આ બનાવની સ્થાનિક લોકો દ્વારા ફાયર વિભાગની ટીમને જાણ કરવામાં આવતા હળવદ પાલીકા અને મોરબી મહાપાલિકાના ફાયરનું એક-એક ફાયર ફાયટર ત્યાં સ્થળ ઉપર પહોંચ્યું હતું અને ટ્રકમાં લાગેલી આગને કાબુમાં લેવા માટે થઈને પાણીનો મારો ચલાવવામાં આવ્યો હતો. જોકે ટ્રકમાં લાગેલી આગ કાબુમાં આવી ત્યાં સુધીમાં ટ્રક અને તેમાં ભરેલો પેપરનો જથ્થો સંપૂર્ણ બળીને ખાખ થઈ ગયો હતો. વધુમાં સ્થાનિક લોકો પાસેથી મળતી વિગત પ્રમાણે ટ્રકના ડ્રાઇવર અને ક્લિનર સળગતો ટ્રક છોડીને ત્યાંથી નાસી ગયા હતા અને ત્યારબાદ સ્થળ ઉપર હાજર રહેલા વ્યક્તિમાંથી એક વ્યક્તિ દ્વારા ફાયર વિભાગની ટીમને જાણ કરવામાં આવતા ફાયરની ટીમે ઘટના સ્થળે પહોંચીને આગને કાબુ લેવા માટેની કામગીરી હાથ થઈ હતી. અને આ બનાવમાં કોઈ જાનહાનિ કે કોઈને ઈજા થઈ નથી.
