વાંકાનેરના સરતનપર રોડ ઉપર કારખાનામાં લોખંડ કાપતા સમયે ગ્રાઈન્ડરમાંથી ઈલેક્ટ્રીક શોટ લાગતા યુવાનનું મોત
SHARE
JOIN OUR GROUP
વાંકાનેરના સરતનપર રોડ ઉપર કારખાનામાં લોખંડ કાપતા સમયે ગ્રાઈન્ડરમાંથી ઈલેક્ટ્રીક શોટ લાગતા યુવાનનું મોત
વાંકાનેર તાલુકાના સરતનપર રોડ ઉપર આવેલ સીરામીક કારખાનામાં ઇલેક્ટ્રીક ગ્રાઈન્ડરની મદદથી લોખંડ કાપતા સમયે કોઈ કારણોસર યુવાનને ઇલેક્ટ્રીક શોર્ટ લાગ્યો હતો ત્યારબાદ યુવાનનું ઘટના સ્થળે મોત નીપજ્યું હતુ જેથી કરીને તેના મૃતદેહને વાંકાનેરની સરકારી હોસ્પિટલે લઈને આવ્યા હતા અને તાલુકા પોલીસ સ્ટેશન ખાતે બનાવની જાણ કરતા પોલીસે બનાવની નોંધ કરી આગળની કાર્યવાહી હાથ ધરી હતી
મૂળ યુપીનો રહેવાસી અને હાલમાં વાંકાનેર તાલુકાના સરતનપર ગામની સીમમાં આવેલ અમોરા ટાઇલ્સ કારખાનાના લેબર ક્વાર્ટરમાં રહેતો અને મજૂરી કામ કરતો અમિતસિંહ શિવકુમાર પરિહાર (23) નામનો યુવાન ગઈકાલે સાંજના ચારેક વાગ્યાના અરસામાં કારખાનામાં ઈલેક્ટ્રીક ગ્રાઇન્ડર વડે લોખંડ કાપતો હતો દરમિયાન તેને કોઈ કારણોસર ગ્રાઈન્ડરમાંથી ઈલેક્ટ્રીક શોટ લાગવાના કારણે સ્થળ ઉપર જ તે યુવાનનું મોત નીપજ્યું હતુ ત્યારબાદ તેના મૃતદેહને પીએમ માટે વાંકાનેરની સરકારી હોસ્પિટલ ખાતે લઈ ગયા હતા અને આ બનાવની હોસ્પિટલ મારફતે તાલુકા પોલીસ સ્ટેશન ખાતે જાણ કરતા પોલીસે અકસ્માત મૃત્યુના બનાવની નોંધ કરી આગળની કાર્યવાહી હાથ ધરી છે
મોરબીમાંથી બાઈકની ચોરી
મોરબીના કેનાલ રોડ ઉપર આવેલ સન પેલેસ સનરાઈઝ પાર્ક ખાતે રહેતા ગૌતમભાઈ વેલજીભાઈ ગોધાણી (35) એ અજાણ્યા શખ્સની સામે બાઇક ચોરીની ફરિયાદ નોંધાવી છે જેમાં તેને જણાવ્યુ છે કે, મોરબીના પંચાસર રોડ થી નાની કેનાલ રોડ ઉપર આવેલ સનરાઈઝ પાર્કના ગેટ નં. 2 ના પાર્કિંગ પાસે તેઓએ પોતાનું બાઈક નંબર જીજે 10 ડી બી 9969 પાર્ક કરીને મૂક્યું હતું જે બાઇકની ચોરી કરવામાં આવેલ હોય 65,000 રૂપિયાની કિંમતના બાઈકની ચોરી થયાની યુવાને ફરિયાદ નોંધાવતા પોલીસે ગુનો નોધી આરોપીને પકડવા માટે તજવીજ શરૂ કરેલ છે
