હળવદના ચુપણી ગામે પ્રેમ લગ્ન કરનાર યુવતીના કૌટુંબિક ભાઈજીને ધોકા વડે માર માર્યો: મારી નાખવાની ધમકી

મોરબીમાં આવેલ સિદ્ધાર્થ સોસાયટી ખાતે રહેતા વૃદ્ધ ચુપણી ગામે કામ સબબ ગયા હતા અને તેઓના કાકાના દીકરાની દીકરીએ ચુપણી ગામના યુવાન સાથે પ્રેમ લગ્ન કરેલ હોય જે બાબતનો ખાર રાખીને વૃદ્ધને ગાળો આપવામાં આવી હતી અને લાકડાના ધોકા વડે માર માર્યો હતો તથા જાનઠી મારી નાખવાની ધમકી આપી હતી જેથી ભોગ બનેલ વૃદ્ધે હળવદ તાલુકા પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આગળની કાર્યવાહી હાથ ધરી છે

મોરબીમાં સર્કિટ હાઉસ પાસે આવેલ સિદ્ધાર્થ સોસાયટીમાં રહેતા કેશવલાલ રામજીભાઈ ચાવડા (67) એ ઉકાભાઇ દુદાભાઈ મકવાણા રહે.ચૂપણી વાળાની સામે હળવદ તાલુકા પોલીસ સ્ટેશન ખાતે ફરિયાદ નોંધાવેલ છે જેમાં જણાવ્યુ છે કે, તેના કાકાના દીકરા જયંતિભાઈની દીકરીએ ચૂપણી ગામ રહેતા આરોપીના ભાઈના દીકરા પ્રદીપભાઈની સાથે પ્રેમ લગ્ન કરેલ હોય જે બાબતનો ખાર રાખીને ફરિયાદી ચૂપણી ગામે સબ સ્ટેશન પાસે હતા ત્યારે આરોપીએ ફરિયાદીને ગાળો આપી હતી અને જાનથી મારી નાખવાની ધમકી આપી હતી તેમજ આરોપીએ લાકડાના ધોકા વડે ફરિયાદીને જમણા પગના ભાગે તથા વાસના ભાગે માર મારીને ઇજા કરી હતી જેથી ઇજા પામેલા વૃદ્ધને સારવાર માટે હોસ્પિટલે લઇ ગયા હતા અને ત્યારબાદ તેને નોંધાવેલ ફરિયાદ આધારે પોલીસે ગુનો નોંધી આગળની કાર્યવાહી હાથ ધરી છે.