મોરબી નજીક પોલીસ હેડ કવાર્ટર પાસેથી 2 લાખની કિંમતની રિક્ષાની ચોરી!
SHARE
JOIN OUR GROUP
મોરબી નજીક પોલીસ હેડ કવાર્ટર પાસેથી 2 લાખની કિંમતની રિક્ષાની ચોરી !
મોરબીની રફાળેશ્વર ચોકડીથી આગળના ભાગમાં જીઆઇડીસી પાસે યુવાને પોતાની રિક્ષા ઉભી રાખી હતી દરમિયાન કોઈ અજાણ્યા શખ્સ દ્વારા તેની રીક્ષાની ચોરી કરવામાં આવેલ છે જેથી ભોગ બનેલા યુવાને બે લાખની રિક્ષાની ચોરીની મોરબી તાલુકા પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે.
મોરબીના લાલપર ગામ પાસે આવેલ સિરામિક સિટીમાં આઈ 2 બ્લોક નંબર 220 માં રહેતા જયદીપભાઇ ચંદુભાઈ ચાવડા (20)એ હાલમાં અજાણ્યા શખ્સ સામે મોરબી તાલુકા પોલીસ સ્ટેશન ખાતે વાહન ચોરીની ફરિયાદ નોંધાવેલ છે જેમાં તેને જણાવ્યુ છે કે, મોરબી વાંકાનેર હાઇવે રોડ ઉપર આવેલ રફાળેશ્વર ચોકડીથી આગળ જીઆઇડીસી પાસે પોલીસ હેડ કવાર્ટરના ખૂણા નજીક તેણે પોતાની રિક્ષા નંબર જીજે 36 ડબલ્યુ 4543 પાર્ક કરીને મૂકી હતી તે બે લાખ રૂપિયાની કિંમતની રીક્ષાની કોઈ અજાણ્ય શખ્સ દ્વારા ચોરી કરવામાં આવેલ છે જેથી ભોગ બનેલ યુવાને નોંધાવેલ ફરિયાદ આધારે પોલીસે ગુનો નોંધીને આરોપીને પકડવા માટે તજવીજ શરૂ કરેલ છે.
