મોરબી જીલ્લામાં વીજપોલના વળતરની આગમાં હવે ભાજપ હોમાઈ તેવો ઘાટ: પૂર્વ કેન્દ્રિય મંત્રીના ગામમાં ભાજપ પક્ષની પ્રવેશબંધી ! હિરાસર એરપોર્ટ પર આંતરરાષ્ટ્રીય અને કાર્ગો સેવા શરૂ કરવા રાજ્યસભા સાંસદ કેસરીદેવસિંહ ઝાલાની રજૂઆત ગૌરવની ક્ષણ ૮૦માસ્વાતંત્ર્ય દિને મોરબી જિલ્લા તંત્ર દ્વારા મેંગોપીપલ પરિવારનું ભવ્ય સન્માન મોરબી : મુસ્કાન વેલ્ફેર સોસાયટી દ્વારા તીજોત્સવની રંગારંગ ઉજવણી મોરબીની બી.એમ.મામુજી ૮૦ વર્ષ જૂની પેઢીનો પર્યાવરણપ્રેમ, લગભગ ૨૦ વર્ષથી પ્લાસ્ટિક ઝબલાઓનો સંપૂર્ણ ત્યાગ મોરબીમાં ભારતીય યુવા મંચ દ્વારા યુવા વક્તાઓ માટે ખાસ કાર્યક્રમ યોજાયો મોરબીમાં ભાડુઆત દંપતી સાથે માથાકૂટ કરીને ઘરધણી મહિલાને જ્ઞાતિ પ્રત્યે અપમાનિત કરતાં ગુનો નોંધાયો મોરબીના શાપર ગામ નજીક રિવર્સમાં આવેલ ડમ્પરના ચાલકે માતાની નજર સામે 2 વર્ષના માસૂમ બાળકને કચડી નાખ્યો

Breaking news

Morbi Today

મોરબી અને રફાળેશ્વર પાસે દારૂની રેડ ; દારૂ-બીયરની ૫૧ બોટલ સાથે બે ઝડપાયા

31-12-2021 11:26 AM

મોરબી અને રફાળેશ્વર પાસે દારૂની રેડ ; દારૂ-બીયરની ૫૧ બોટલ સાથે બે ઝડપાયા

મોરબી સીટી એ ડીવીઝન પોલીસ તથા મોરબી તાલુકા પોલીસે બે અલગ અલગ જગ્યાઓએ રેડ કરી હતી જેમાં કુલ મળીને ૫૧ બોટલ દારૂ-બીયરનો જથ્થા મળી આવતા દારૂ-બીયર તેમજ ઇકો કારની સાથે હાલમાં બે ઇસમોની ધરપકડ કરવામાં આવી હોવાનું પોલીસ સૂત્રો તરફથી જાણવા મળેલ છે.

જાણવા મળતી વિગતો મુજબ મોરબી સીટી એ ડીવીઝન પોલીસ સ્ટાફે ગત રાત્રીના સાડા બારેક વાગ્યાના અરસામાં ઇકો કાર લઇને નીકળેલા જતીન છગન છત્રોલા પટેલ (ઉમર ૩૮) રહે.મિત્રા પેલેસ ફ્લેટ નંબર ૭૦૨ એસપી રોડ મોરબી વાળાની ઇકો કારને અટકાવી તલાશી લેતા કારમાંથી અડધી બોટલ દારૂ મળી આવી હતી તેમજ જતીન છગન છત્રોલા નામનો શખ્સ નશાયુકત હાલતમાં હોય તેના વિરુદ્ધ દારૂ પીને વાહન હંકારવા સબબ તેમજ દારૂ રાખવા સબબ ગુનો નોંધવામાં આવ્યો હતો.તેની પાસેથી એક અડધી બોટલ દારૂની મળી આવેલ હોય કિંમત રૂપિયા ૧૦૦ નો દારૂ તથા એક લાખની ઇકો કાર જપ્ત કરવામાં આવી હતી.

તેની પૂછપરછ દરમિયાન મળેલ માહીતી આધારે તાલુકા પોલીસે પણ રફાળેશ્વર જીઆડીસીમાં રેડ કરી હતી. મોરબી તાલુકા પોલીસ સ્ટાફને મળેલ માહિતી આધારે રફાળેશ્વર પાસે આવેલ જીઆઇડીસીમાં આવેલા શ્રી હરિ પ્લાસ્ટિક ઇન્ડિયા નામના કારખાનાની બાજુમાં આવેલી ઓરડીમાં તાલુકા પોલીસના સ્ટાફે રેડ કરતા ઓરડીમાંથી ૩૨ બોટલ વિદેશી દારૂ કિંમત રૂા.૬૫,૩૦૦ અને બીયરના ૧૮ ટીન કિંમત રૂા.૧૮૦૦ એમ કુલ મળીને ત્યાંથી દારૂ-બિયરની વધુ ૫૦ બોટલો મળી આવતાં રૂા.૬૭,૧૦૦ ની કિંમતનો મુદ્દામાલ પકડવામાં આવ્યો હતો અને સ્થળ પરથી મળી આવેલા ધર્મેન્દ્ર મગન ભોરણીયા પટેલ (ઉમર ૩૫) રહે.મોરબી રવાપર-ઘુનડા રોડ ફલોરા હાઉસ ફ્લેટ નંબર ૭૦૪ તેમજ જતીન છગન પટેલ રહે.મોરબી એસપી રોડ મિત્રા પેલેસ-૭૦૨ વાળાઓ વિરુદ્ધ ગુનો નોંધીને તેઓએ દારૂનો આ જથ્થો કયાંથી મેળવ્યો છે..? તે દિશામાં આગળની તપાસ હાથ ધરી છે.

હાઉસિંગ બોર્ડમાં સામસામી મારામારી

મોરબીના શનાળા રોડ ઉપર આવેલા ગુજરાત હાઉસિંગ બોર્ડમાં પાડોસીઓ વચ્ચે સામસામી મારામારીનો બનાવ બન્યો હતો જેમાં મિતલબેન રાજેશભાઈ ગોહીલ (૩૧) અને તેઓની સાડા ત્રણ વર્ષીય દીકરી ક્રિતિકા રાજેશ ગોહિલને તેમજ સામેના પક્ષેથી ત્યાં જ રહેતા નિતાબેન ગોવિંદભાઈ પરમાર નામના ૫૫ વર્ષીય આધેડ મહિલાને ઇજાઓ થતાં ત્રણેયને સિવિલ હોસ્પિટલે સારવારમાં ખસેડાયા હતા બનાવની જાણ થતાં એ ડિવિઝન પોલીસ મથકના એચ.એમ.ચાવડાએ પ્રાથમિક તપાસ હાથ ધરી હતી.