હળવદના ટીકર રણમાં થારના સ્ટંટ કરનાર શખ્સને કાયદાનો પાઠ ભણાવ્યો

હળવદના ટીકર ગામ પાસે આવેલ રણ વિસ્તારમાં થાર ગાડી ઉપર બેસીને છૂટા હાથે સ્ટંટ કરી કારને ચલાવી હતી જે વિડીયો વાયરલ થયો હતો જેથી વિડિયોમાં દેખાતા યુવાને તેની તેમજ અન્ય લોકોની જિંદગી જોખમમાં મૂકી હતી જેથી હાલમાં આ વીડિયોના આધારે પોલીસે ગુનો નોંધીને આરોપીને પકડીને રાબેતા મુજબની કાર્યવાહી કરી હતી.

સોશિયલ મીડિયામાં રીલ્સ અને વિડીયો મૂકીને વ્યુ તેમજ લાઈક વધારવા માટે તેને ઘણી વખત ગુનાહિત કૃત્યો કરવામાં આવતા હોય છે આવી જ ઘટના હળવદ તાલુકા વિસ્તારમાંથી સામે આવેલ છે હળવદના ટીકર ગામ પાસે આવેલ રણ વિસ્તારમાં થાર ગાડી નંબર જીજે 36 એસી 0130 ના ચાલકે રણ વિસ્તારમાં પૂર ઝડપે અને બેદરકારીથી પોતાની ગાડી છૂટા હાથે ચલાવી હતી અને ગાડી ઉપર બેસીને સ્ટંટ કર્યા હતા જેનો વિડીયો સામે આવેલ હતી જેથી કરીને પોતાનો તથા અન્ય લોકોનો જીવ જોખમમાં મુકાય તેવું કૃત્ય કરનારા શખ્સની સામે હળવદ તાલુકા પોલીસ સ્ટેશન ખાતે ગુનો નોંધાયો હતો અને આરોપી આશિષ ચંદુભાઈ રંભાણી (20) રહે. મિયાણી તાલુકો હળવદ વાળાની સામે ગુનો નોંધીને પોલીસે આગળની કાર્યવાહી કરી હતી.