મોરબીમાં સ્નેપચેટથી સંપર્કમાં આવેલ યુવતીના અપહરણ બાદ દુષ્કર્મ આચરી, ન્યુડ ફોટો વાઇરલ કરવાની ધમકી : ગુનો નોંધાવાતા તપાસ શરૂ 

સોશયલ મીડિયામાં વધુ એક વખત સમાજ માટે લાલબતી સમાન કહી શકાય તેવી ઘટના મોરબીમાં સામે આવેલ છે.જેમાં ગ્રામ્ય વિસ્તારમાં રહેતા પરિવારની એક યુવતીનો સ્નેપચેટ એપ્લીકેશનથી સંપર્ક કરવામાં આવેલ હતો અને ત્યાર બાદ તે યુવતીને લગ્નની લાલચ આપીને તેનું અપહરણ કરવામાં આવ્યું હતું આટલું જ નહીં યુવતીને આરોપી તેના ઘરે લઈ ગયો હતો અને ત્યાં તેની સાથે બળજબરીપુર્વક શરીર સંબંધ બાંધીને ન્યુડ ફોટા પાડી લીધા હતા અને યુવતીને તું હવે મારા ઘરેથી કયાંય જઈશ તો ફોટો વાઇરલ કરી નાખીશ તેવી ધમકી આપવામાં આવી હતી.જેથી ભોગ બનેલ યુવતીએ ફરિયાદ નોંધાવતાં પોલીસે અપહરણ, દુષ્કર્મ, એટ્રોસીટી સહિતની કલમ હેઠળ ગુનો નોંધીને આરોપીને પકડવા માટે તજવીજ શરૂ કરેલ છે.

મોરબી તાલુકા વિસ્તારમાં રહેતી યુવતીએ હાલમાં મોરબી એ ડિવિઝન પોલીસ સ્ટેશન ખાતે સોહીલખાન ફિરોજખાન પઠાણ રહે. જંગ્લેશ્વર તવકલ ચોક, શેરી નં. 28 રાજકોટ ખાતે રહેતા શખ્સની સામે ફરિયાદ નોંધાવેલ છે.જેમાં જણાવ્યુ છે કે, આરોપીએ સ્નેપચેટ એપ્લીકેશનથી ફરિયાદીનો સંપર્ક કર્યો હતો. અને ફરીયાદીને મળવા માટે તે મોરબીમાં અવાર-નવાર આવેલ હતો તેમજ સારી-સારી વાતો કરીને ફરીયાદીને લગ્ન કરવાની લાલચ આપી હતી અને મોરબીમાં આવેલ આયુષ હોસ્પિટલ પાસેથી ગત તા.10/5 ના રોજ રાત્રીના સાડા આઠેક વાગ્યાના અરસામાં ફરિયાદી યુવતીનું આરોપીએ અપહરણ કર્યું હતું.ત્યાર બાદ યુવતીને તે પોતાના ઘરે લઈ ગયો હતો અને ત્યા ફરિયાદીની સાથે બળજબરીપુર્વક શરીર સંબંધ બાંધ્યો હતો. અને તેના ન્યુડ ફોટા પાડી લીધા હતા અને તું હવે મારા ઘરેથી કયાંય જઈશ તો હું તારા ફોટા વાઇરલ કરી દઇશ તેમજ આ બાબતની કોઇને જાણ કરીશ તો તને જીવતી નહી છોડુ તારૂ ગળુ દબાવીને મારી નાંખીશ તેમ ધમકી આપી હતી અને ફરિયાદીને જ્ઞાતિ પ્રત્યે હડધુત કરી હતી.જેથી ભોગ બનેલ યુવતીએ નોંધાવેલ ફરિયાદ આધારે પોલીસે હાલમાં અપહરણ, દુષ્કર્મ, એટ્રોસીટી સહિતની કલમ હેઠળ ગુનો નોંધીને પોલસીએ આગળની કાર્યવાહી શરૂ કરેલ છે.