મોરબીમાં ઘરેથી સિલાઈ કરાવવા જવનું કહીને નીકળેલી યુવતી ગુમ
SHARE
JOIN OUR GROUP
મોરબીમાં ઘરેથી સિલાઈ કરાવવા જવનું કહીને નીકળેલી યુવતી ગુમ
મોરબીના વીસીપરા વિસ્તારની અંદર રહેતા પરિવારની યુવતી ઘરેથી સિલાઈ કરાવવા જવાનું કહીને નીકળી હતી અને ત્યાર બાદ તે ગુમ થઈ ગયેલ છે જેથી હાલમાં ગુમ થયેલ યુવતીના પિતાએ મોરબી બી ડિવિઝન પોલીસ સ્ટેશન ખાતે ફરિયાદ આપતા પોલીસે ગુમ થયેલ યુવતીને શોધવા માટે જુદી જુદી દિશામાં તપાસ શરૂ કરી છે
મોરબીના વીસીપરા વિસ્તારની અંદર રહેતા નવીનભાઈ કેશુભાઈ સરવૈયા નામના વ્યક્તિએ હાલમાં મોરબી બી ડિવિઝન પોલીસ સ્ટેશન ખાતે તેઓની દીકરી શિલ્પાબેન નવીનભાઈ સરવૈયા (26) ગત તા. 29/4 ના રોજ સવારે 10 વાગ્યે ઘરેથી સિલાઈ કરાવવા જવાનું કહીને નીકળી હતી અને ત્યારબાદ તે ગુમ થઈ ગયેલ છે જેથી નવીનભાઈ નોંધાવેલ ગુમસુધા ફરિયાદ આધારે બી ડિવિઝન પોલીસ સ્ટેશન ખાતે નોંધ કરીને પોલીસે ગુમ થયેલ યુવતીને શોધવા માટે જુદી જુદી દિશામાં તપાસ શરૂ કરી છે અને આ અંગેની આગળની વધુ તપાસ સતિષભાઈ ગરચર ચલાવી રહ્યા છે
અકસ્માતમાં ઇજા
મોરબીના લાલપર ગામે રહેતા સોમાભાઈ ગણેશભાઈ રબારી (70) નામના વૃદ્ધને રાધિકા હોટલ સામે આઇસરના ચાલકે હડફેટે લેતા અકસ્માતનો બનાવ બન્યો હતો જે બનાવમાં ઈજા પામેલ વૃદ્ધને સારવાર માટે મોરબીની સિવિલ હોસ્પિટલે લઈને આવ્યા હતા અને ત્યાં તેને સારવાર આપીને આ બનાવની પોલીસને જાણ કરવામાં આવી હતી
યુવાન સારવારમાં
મોરબી તાલુકાના નાનીવાવડી ગામે રહેતા બળદેવભાઈ બાલુભાઈ કોટડીયા (26) નામના યુવાનને કોઈ કારણોસર ઝેરી દવાની અસર થઈ હતી જેથી તેને સારવાર માટે મોરબીની મંગલમ હોસ્પિટલ ખાતે લાવ્યા હતા અને ત્યાં તેને સારવાર આપીને આ બનાવની હોસ્પિટલ મારફતે પોલીસને જાણ કરતા પોલીસે બનાવની નોંધ કરીને આગળની કાર્યવાહી હાથ ધરી છે
