મોરબીના શનાળા ગામ પાસે કારના સર્વિસ સ્ટેશનમાં આગ લાગતા દોડધામ
Morbi Today
મોરબી મહાપાલિકાની ચુંટણીમાં પક્ષ-અપક્ષ સહિત 204 ઉમેદવારોએ ફોર્મ ભર્યા: બુધવારે ચિત્ર સ્પષ્ટ થશે
SHARE
JOIN OUR GROUP
મોરબી મહાપાલિકાની ચુંટણીમાં પક્ષ-અપક્ષ સહિત 204 ઉમેદવારોએ ફોર્મ ભર્યા: બુધવારે ચિત્ર સ્પષ્ટ થશે
મોરબી મહાનગરપાલિકાની ચૂંટણી માટે ભાજપ, કોંગ્રેસ, આમ આદમી પાર્ટીના ઉમેદવારો તેમજ અન્ય પક્ષ અને અપક્ષના ઉમેદવારો દ્વારા પોતાના ઉમેદવારી ફોર્મ રજૂ કરવામાં આવ્યા છે અને ચૂંટણીમાં ઉમેદવારી પત્ર ભરવાનો સમય પૂર્ણ થયો ત્યાં સુધીમાં કુલ મળીને 204 જેટલા આગેવાનો દ્વારા પોતાના ઉમેદવારી પત્રો ભરવામાં આવ્યા હોવાની માહિતી અધિકારી પાસેથી જાણવા મળી રહી છે. જો કે, ફોર્મ પાછા ખેચવાનો છેલ્લો દિવસ બુધવાર છે જેથી ત્યાં બાદ ચૂંટણીનું ચિત્ર સ્પષ્ટ થશે.
મોરબીમાં અલગ અલગ ત્રણ જગ્યા ઉપર મહાનગરપાલિકાની ચૂંટણી માટે ઉમેદવારી પત્રો ભરવાની વ્યવસ્થા ગોઠવવામાં આવી હતી જેમાં ભાજપ, કોંગ્રેસ, આમ આદમી પાર્ટી તથા અન્ય પક્ષ અને અપક્ષમાંથી ઉમેદવારો દ્વારા પોતાના ઉમેદવારી ફોર્મ ભરવામાં હતા અને કુલ મળીને મહાનગરપાલિકાની ચૂંટણી માટે 204 જેટલા આગેવાનો દ્વારા પોતાના ઉમેદવારી પત્ર ભરવામાં આવ્યા છે જો આંકડાકીય માહિતી ઉપર નજર કરીએ તો શુક્રવાર સુધીમાં વોર્ડ નંબર 1 થી 4 માં 23, વોર્ડ નંબર 5 થી 9 માં 31 અને વોર્ડ નંબર 10 થી 13 માં 21 ઉમેદવારી ફોર્મ ભરવામાં આવ્યા હતા. આજે ઉમેદવારી પત્ર ભરવાનો શનિવારે છેલ્લો દિવસ હતો ત્યારે વોર્ડ નંબર 1 થી 4 માં 45, 5 થી 9 માં 47 અને 10 થી 13 માં 37 આગેવાનો દ્વારા પોતાના ઉમેદવારી પત્રો ભરવામાં આવ્યા છે આમ કુલ મળીને વોર્ડ નંબર 1 થી 4 માં 68, વોર્ડ નંબર 5 થી 9 માં 78 અને વોર્ડ નંબર 10 થી 13 માં 58 આગેવાનો દ્વારા પોતાના ઉમેદવારી પત્રો ભરવા આવ્યા છે જોકે હવે આ ફોર્મની ચકાસણી કરવામાં આવશે તેમાં કેટલા ફોર્મ રિજેક્ટ થાય છે અને ઉમેદવારી પત્ર પાછા ખેંચવાના દિવસે કેટલા ફોર્મ પાછા ખેંચાય છે તે નક્કી થયા બાદ મહાનગરપાલિકાની ચૂંટણી માટેનું ચિત્ર સ્પષ્ટ થશે
