મોરબીના જૂના બેલા ગામે જુગાર રમતા પાંચ પૈકી બે પકડાયા ત્રણ છનનન
SHARE
JOIN OUR GROUP
મોરબીના જૂના બેલા ગામે જુગાર રમતા પાંચ પૈકી બે પકડાયા ત્રણ છનનન
મોરબી તાલુકા પોલીસ સ્ટાફને મળેલ બાતમી આધારે તાલુકા પોલીસે તાલુકાના જુના બેલા (આમરણ) ગામે રેડ કરી હતી ત્યાં સ્ટ્રીટ લાઈટના અજવાળે જાહેરમાં પાંચ ઇસમો જુગાર રમી રહ્યા હતા જોકે પોલીસના આવવાની જાણ થઇ જતાં પાંચ પૈકીના ત્રણ ઈસમો સ્થળ ઉપરથી ભાગી છૂટયા હતા જ્યારે બે ઈસમો ઝડપાઈ જતા રોકડા રૂપિયા ૧૫,૧૪૦ સાથે બેની ધરપકડ કરીને ભાગી ગયેલા ત્રણેય પતાપ્રેમીઓને શોધવા તજવીજ શરૂ કરવામાં આવી હોવાનું જાણવા મળેલ છે.
મોરબી તાલુકા પોલીસ સૂત્રોના જણાવ્યા પ્રમાણે, પોલીસ સ્ટાફે બેલા(આમરણ) ગામે રેડ કરી હતી.ત્યારે સ્ટ્રીટ લાઈટના અજવાળે જુગાર રમી રહેલા પાંચ પૈકીના અયુબ હાજી કટિયા મિંયાણા (૪૫) રહે.બેલા (આમરણ), રાજુ હરગોવિંદ પોપટ લોહાણા (૫૧) રહે.આમરણ (બેલા) સ્થળ ઉપરથી પકડાઈ ગયા હતા અને તેઓની પાસેથી રોકડા રૂપિયા ૧૫,૧૪૦ જપ્ત કરવામાં આવ્યા હતા.જ્યારે પોલીસની જાણ થઇ જતાં સ્થળ ઉપરથી વાલા અરજણ રહે.આમરણ, થોભણ કલ્યાણજી પેથાપરા જાતે પટેલ રહે.બેલા (આમરણ) અને જેનુભાઇ રહે.આમરણ (બેલા) એમ ત્રણ ઈસમો સ્થળ ઉપરથી ભાગી છુટયા હોય પાંચેય સામે જુગારધારાની કલમ ૧૨ મુજબ ગુનો નોંધીને તાલુકા પોલીસે ભાગી છૂટેલા ત્રણેય શખ્સને ઝડપી પાડવા ચક્રો ગતિમાન કર્યા છે.
વાહન અકસ્માતમાં ઈજા
મોરબીના નવલખી રોડ ઉપર રહેતો અવધેશ રાકેશભાઇ સહાની નામનો ૩૦ વર્ષીય યુવાન મોરબીના રાજપર રોડ ઉપરથી સાયકલમાં જતો હતો તે દરમિયાનમાં તેની સાઇકલને બોલેરોના ચાલકે હડફેટે લેતા ઈજાગ્રસ્ત અવધેશભાઇ સહીનીને સારવારમાં ખસેડાયો હતો.જ્યારે હળવદ તાલુકાના મેરૂપર ગામે રહેતો અભેસિંગ ગુમાનસિંહ રાઠોડ નામનો ૩૦ વર્ષીય યુવાન વાડી વિસ્તારમાં હતો ત્યાં તેને મારામારીના બનાવમાં ઇજાઓ થતાં તેને સારવાર માટે અહિંની ક્રિષ્ના હોસ્પિટલે ખસેડવામાં આવ્યો હતો.
