મોરબીમાં ક્રિપ્ટો કરન્સીમાં રોકાણ કરવાના બહાને યુવાન સાથે 1.51 કરોડની છેતરપિંડી: 2 મોબાઈલ-7 બેંક એકાઉન્ટ ધારકો સામે ફરિયાદ

મોરબીમાં રહેતા વેપારી યુવાનને ઓનલાઈન યુએસડીટી ક્રિપ્ટો કરન્સીમાં રોકાણ કરાવી વ્હોટ્સએમ દ્વારા વાતચીત કરીને રૂપિયા કમાવવાની લોભામણી લાલચ આપવામાં આવી હતી અને ત્યારબાદ યુવાનનો ભરોસો કેળવીને ઓનલાઇન રૂપિયા જુદી જુદી બેંકના એકાઉન્ટમાં મેળવ્યા હતા અને ત્યારબાદ યુવાને ક્રિપ્ટો કરન્સીમાં રોકાણ કરેલ લેણા રૂપિયા પાછા આપવામાં આવેલ ન હતા અને તેની સાથે 1.51 કરોડ રૂપિયાની છેતરપિંડી અને વિશ્વાસઘાત કરવામાં આવેલ છે જેથી કરીને હાલમાં બે વ્હોટ્સ એપ નંબર તથા જુદી જુદી બેંકના કુલ મળીને સાત એકાઉન્ટના ધારકોની સામે યુવાને મોરબી સાઇબર ક્રાઇમ પોલીસ સ્ટેશનમાં ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે.

જાણવા મળતી માહિતી મુજબ મોરબીના કાયાજી પ્લોટ વિસ્તારમાં આવેલ પ્રમુખ હાઈટસ-1 માં રહેતા અને સામાકાંઠે શકિત ચેમ્બરમાં સીમકો સેલ્સ એજન્સી નામની ઓફીસ ધરાવતા વેપારી નૈમિષભાઈ કનૈયાલાલ પંડિત (39)એ હાલમાં વોટ્સએપ નંબર 9157782692 તથા 85265477801 ના ધારકો તેમજ જુદી જુદી બેંકના સાત એકાઉન્ટના ધારકોની સામે હાલમાં સાઇબર ક્રાઇમ પોલીસ સ્ટેશન ખાતે ફરિયાદ નોંધાવેલ છે જેમાં તેને જણાવ્યું છે કે, આરોપીઓએ ગુનાહિત કાવતરું કરીને વ્હોટ્સએપ દ્વારા ફરિયાદી યુવાન સાથે વાતચીત કરીને ઓનલાઇન યુએસડીટી ક્રિપ્ટો કરન્સીમાં રોકાણ કરાવી લાલચ આપી હતી અને ફરિયાદી યુવાનનો વિશ્વાસ-ભરોસો કેળવી લીધા બાદ અલગ અલગ બહાનાઓ હેઠળ તેની પાસેથી 1,51,02,500 યુએસડીટી ક્રિપ્ટો કરન્સીમાં રોકાણ કરાવવામાં આવ્યા હતા અને ફરિયાદી યુવાને રોકાણ કરેલા રૂપિયા તેને આજ દિવસ સુધી પરત કરવામાં આવ્યા નથી જેથી યુવાનની સાથે વિશ્વાસઘાત અને છેતરપિંડી કરવામાં આવે હોય ભોગ બનેલ યુવાને મોરબી જિલ્લા સાઇબર ક્રાઇમ પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આરોપીઓને પકડવા માટે તજવીજ શરૂ કરી છે અને આ અંગેની આગળની વધુ તપાસ પીઆઇ કે.કે. દરબાર અને તેની ટીમ ચલાવી રહી છે.