મોરબીના ઘૂટું નજીક ન્હાવા ગયેલ યુવાનનું પાણીના ખાડામાં ડૂબી જવાથી મોત

મોરબીના ઘૂટું ગામની સીમમાં પેપરમીલની સામેના ભાગમાં આવેલ પાણીના ખાડામાં યુવાને ન્હાવા માટે ગયો હતો દરમિયાન ત્યાં પાણીમાં ડૂબી જવાના કારણે યુવાનનું મોત નીપજયું હતું ત્યાર બાદ તેના મૃતદેહને હોસ્પિટલે લઈને આવ્યા હતા અને આ બનાવની મોરબી તાલુકા પોલીસ સ્ટેશન ખાતે જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે.

જાણવા મળતી માહિતી મુજબ મોરબી તાલુકાના ઘૂટું ગામે ક્રિયાન પેટ્રોલપંપની બાજુમાં રહેતા રમણીકભાઈ પ્રાણજીવનભાઈ વીરપરિયા (36) નામનો યુવાન ઘૂટું ગામની સીમમાં વગડિયા વિસ્તારમાં આવેલ રવીશ પેપરમીલ કારખાના સામે પાણીના ખાડામાં ન્હાવા માટે થઈને ગઈકાલે બપોરના સમયે ગયો હતો દરમિયાન કોઈ કારણોસર તે પાણીમાં ડૂબી ગયો હતો જેથી તે યુવાનનું મોત નીપજયું હતું ત્યારબાદ તેના મૃતદેહને સરકારી હોસ્પિટલ ખાતે લાવ્યા હતા અને ત્યારે આ બનાવની મૃતકના પરિવારજન કિશોરભાઈ વલ્લભભાઈ વીરપરિયા (45) રહે. ઘૂટું વાળાએ મોરબી તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની કાર્યવાહી હાથ કરી છે.