મોરબીની જવાહર સોસાયટીમાં ઘરમાંથી દારૂની 105 બોટલ કબજે, ઘરધણી સહિત બે આરોપીને પકડવા શોધખોળ

મોરબીના ભડિયાદ રોડ ઉપર આવેલ જવાહર સોસાયટીમાં રહેતા શખ્સનાં ઘરમાં દારૂનો જથ્થો હોવાની હકીકત મળી હતી તેના આધારે પોલીસે ત્યાં દારૂની રેડ કરી હતી ત્યારે ઘરમાંથી જુદી જુદી બ્રાન્ડની કુલ મળીને 105 દારૂની બોટલો મળી આવી હતી જેથી કરીને 71,606 ની કિંમતનો મુદ્દામાલ કબજે કર્યો હતો ઘરધણી સહિત બે શખ્સોની સામે બી ડિવિઝન પોલીસ સ્ટેશનમાં ગુનો નોંધીને આરોપીઓને પકડવા માટે તજવીજ શરૂ કરેલ છે

જાણવા મળતી માહિતી મુજબ મોરબીના ભડીયાદ રોડ ઉપર આવેલ જવાહર સોસાયટીમાં રહેતા ભરત ધનજીભાઈ મકવાણાના મકાનમાં દારૂનો જથ્થો હોવાની હકીકત મળી હતી જેના આધારે પોલીસે ત્યાં દારૂની રેડ કરી હતી ત્યારે સ્થળ ઉપરથી દારૂની જુદીજુદી બ્રાન્ડની કુલ મળીને 105 બોટલ મળી આવી હતી જેથી કરીને પોલીસે 71,606 ની કિંમતનો દારૂનો જથ્થો કબજે કર્યો હતો અને આ માલ વિજય શીવાભાઈ મકવાણા રહે. જવાહર સોસાયટી ભડીયાદ રોડ મોરબી વાળાનો હોવાનુ સામે આવ્યું હતું જેથી કરીને પોલીસે હાલમાં બી ડિવિઝન પોલીસ સ્ટેશન ખાતે વિજય શીવાભાઈ મકવાણા તથા ઘરધણી ભરત ધનજીભાઈ મકવાણા રહે. જવાહર સોસાયટી ભડીયાદ વાળાની સામે મોરબી બી ડિવિઝન પોલીસ સ્ટેશન ખાતે ગુનો નોંધીને પોલીસે આરોપીઓને પકડવા માટે તજવીજ શરૂ કરેલ છે

ચાર બોટલ દારૂ

મોરબીના નજરબાગ રેલવે સ્ટેશન રોડ ઉપર સાયન્સ કોલેજની પાછળ મેલડી માતાજીના મંદિરના ગ્રાઉન્ડમાંથી પસાર થઈ રહેલા શખ્સને રોકીને પોલીસ દ્વારા ચેક કરવામાં આવતા તેની પાસેથી દારૂની ચાર બોટલ મળી આવી હતી જેથી કરીને પોલીસે 2784 ની કિંમતનો દારૂની બોટલો કબજે કરી હતી અને આરોપી હરેશ મનસુખભાઈ મકવાણા (26) રહે. ગાંધી સોસાયટી નજરબાગ રેલવે સ્ટેશન સામે મોરબી વાળાની ધરપકડ કરી હતી અને તેની પ્રાથમિક પૂછપરછમાં આ દારૂની બોટલો તેને વિજય શીવાભાઈ મકવાણા રહે. જવાહર સોસાયટી મોરબી વાળાએ આપી હોવાનું સામે આવતા બંને શખ્સોની સામે મોરબી બી ડિવિઝન પોલીસ સ્ટેશન ખાતે ગુનો નોંધાયો છે અને વિજય મકવાણાને આ ગુનામાં પણ પકડવા માટે તજવીજ ચાલી રહી છે