મોરબી આયુષ હોસ્પિટલની પ્લાસ્ટીક સર્જરી જેવા સુપર સ્પેશિયાલીટી વિભાગમાં મહત્વ પૂર્ણ ઉપલબ્ધિ
SHARE
JOIN OUR GROUP
મોરબી આયુષ હોસ્પિટલની પ્લાસ્ટીક સર્જરી જેવા સુપર સ્પેશિયાલીટી વિભાગમાં મહત્વ પૂર્ણ ઉપલબ્ધિ
મોરબીના એક અંતરિયાળ ગામડામાં ખેત મજુરી કરી ગુજરાન ચલાવતા કેશુબેન પોતાના પૌત્ર નિમેષ સાથે રહેતા હતા. નિમેષના માથે માતા-પિતાની છત્રછાયા પણ ન હતી.૯ વર્ષનો બાળક પોતાના વૃદ્ધ દાદી સાથે રહેતો હતો.૩ વર્ષ પહેલાં અકસ્માતમાં નિમેષના હાથે ફેક્ચર થયું હતું.તેમાં ઇજાના લીધે હાથની એક નસનું પેરાલિસિસ થઇ જવાથી હાથ કાંડાના ભાગથી કામ કરવાનો બંધ થઈ ગયો હતો.વધુ સારવાર માટે આયુષ હોસ્પિટલ મોરબી આવ્યા હતા.આયુષ હોસ્પિટલના પ્લાસ્ટિક સર્જન ડો.આશિષ હડિયલ સાહેબના કહેવા મુજબ દર્દીને ‘વ્રીસ્ટ ડ્રોપ’ (wrist drop) થયેલો હતો.તેનું કારણ ‘રેડિયલ નર્વ’ (radial nerve) નામની મુખ્ય હાથની ચેતાની નસનું પેરાલિસિસ હતું. લાંબો સમય થયેલ હોવાથી નસની રિકવરીના કોઈ ચાન્સ ન હતા.આ હાલતમાં ‘ટેન્ડન ટ્રાન્સફર’ (tendon transfer) નામનું એક જટીલ ઓપરેશન કરવું પડે છે.સામાન્ય રીતે આ ઓપરેશન માટે રાજકોટ કે અમદાવાદ જવું પડતું હોય છે પરંતુ આયુષ હોસ્પિટલમાં પ્લાસ્ટિક સર્જન હોવાથી અહી જ એ ઓપરેશન ડો. આશિષ હડીયલ સાહેબ દ્વારા કરવામાં આવેલ.અત્યારે બાળકનો હાથ પૂરેપૂરો કામ કરે છે.
દર્દી આર્થીક કે સામાજિક રીતે સક્ષમ ના હોવાથી એને હાથ સારો થવાની આશા છોડી દિધી હતી. પરંતુ સરકારશ્રીની આયુષ્માન યોજના હોવાથી એનુ ઓપરેશન શક્ય બન્યુ હતુ.દર્દીએ સરકાર, આયુષ હોસ્પિટલ અને ડોક્ટરનો આભાર માન્યો હતો.
