મોરબીમાં દારૂની ત્રણ રેડમાં 81 બોટલ દારૂ-20 બિયરના ટીન સાથે ત્રણ શખ્સ પકડ્યા: ત્રણની શોધખોળ

મોરબીના આલાપ રોડ ઉપર, લાતી પ્લોટમાં તથા નવા બસ સ્ટેશન સામે જુદી જુદી ત્રણ જગ્યા ઉપર મોરબી એ ડિવિઝન પોલીસ દ્વારા દારૂની રેડ કરવામાં આવી હતી ત્યારે કુલ મળીને 81 બોટલ દારૂ અને 20 બિયરના ટીન સાથે પોલીસે ત્રણ શખ્સોને પકડ્યા છે અને માલ આપનારા ત્રણ શખ્સોના નામ સામે આવ્યા હોય તેને પકડવા માટે તેને પોલીસે જુદી જુદી દિશામાં તપાસ શરૂ કરી છે

મોરબી સીટી એ ડિવિઝન પોલીસની ટીમ દ્વારા મોરબીના શનાળા રોડ ઉપર આવેલ નવા બસ સ્ટેશનની સામે શ્રીનંદ એન્ટરપ્રાઇઝમાં દારૂની રેડ કરવામાં આવી હતી ત્યારે સ્થળ ઉપરથી દારૂની જુદી જુદી બ્રાન્ડની 35 બોટલો તથા 20 બિયરના ટીન મળી આવ્યા હતા જેથી કરીને 35,393 ની કિંમતનો મુદ્દામાલ કબજે કરવામાં આવ્યો હતો અને આરોપી સાવન મનુભાઈ ડાંગર (25) રહે. સનાળા રોડ હાઉસિંગ બોર્ડ એમ-758 મોરબી વાળાની ધરપકડ કરી હતી અને તેની પ્રાથમિક પૂછપરછમાં આ દારૂ બિયરનો જથ્થો આરોપીને મુન્ના ચાવડા રહે. જસાપર તાલુકો મોરબી વાળા પાસેથી લીધો હોવાનું સામે આવ્યું હતું જેથી બંને શખ્સની સામે એ ડિવિઝન પોલીસ સ્ટેશન ખાતે ગુનો નોંધાયો છે અને મુન્ના ચાવડાને પકડવા માટે તજવીજ શરૂ કરી છે

મોરબીમાં દારૂની બીજી રેડ લાતી પ્લોટ શેરી નંબર ત્રણ-ચારની વચ્ચે આવેલ પડતર મકાનમાં કરવા આવી હતી ત્યારે સ્થળ ઉપરથી દારૂની 40 બોટલો મળી આવી હતી જેથી પોલીસે 22,440 ની કિંમતનો દારૂનો જથ્થો કબજે કર્યો હતો અને આરોપી શમસાશા ઉર્ફે સમીર જુસબભાઈ કટીયા (27) રહે. લાતી પ્લોટ શેરી નંબર ત્રણ-ચાર વચ્ચે મોરબી વાળાની ધરપકડ કરી હતી અને તેની પ્રાથમિક પૂછપરછ દરમિયાન આ દારૂનો જથ્થો તેણે રફીક ઓસમાણ અજમેરી રહે. વાવડી રોડ ક્રિષ્ના પાર્ક મોરબી વાળા પાસેથી મેળવ્યો હોવાનું સામે આવ્યું હતું જેથી કરીને હાલમાં આ બંને શખ્સોની સામે એ ડિવિઝન પોલીસ સ્ટેશનમાં ગુનો નોંધાયો છે અને દારૂ આપનાર શખ્સને પકડવા માટે તજવીજ ચાલી રહી છે

જયારે દારૂની ત્રીજી રેડ મોરબીના આલાપ રોડ ઉપર આવેલ નવરંગ પાર્કમાં કરવામાં આવી હતી ત્યારે ત્યાં સ્થળ ઉપરથી દારૂની છ બોટલો મળી આવી હતી જેથી પોલીસે 3366 ની કિંમતનો દારૂનો જથ્થો કબજે કર્યો હતો અને આરોપી ધર્મેશ સુરેશભાઈ મહેતા (52) રહે. આલાપ રોડ નવરંગ પાર્ક મોરબી વાળાની ધરપકડ કરી હતી અને તેની પ્રાથમિક પૂછપરછ દરમિયાન આ દારૂની બોટલો તેને શામશાદ ઉર્ફે સમીર જુસબભાઈ કટિયા રહે. લાતી પ્લોટ વાળા પાસેથી લીધી હોવાનું સામે આવ્યું હતું જેથી કરીને પોલીસે આ બંને શખ્સોની સામે સામે ગુનો નોંધીને આ ગુનામાં આરોપી શમશાદ ઉર્ફે સમીરને પકડવા માટે તેને તજવીજ ચાલી રહી છે. અને આ ત્રણેય ગુનાની વધુ તપસ આર.પી.રાણા ચલવી રહ્યા છે.