માળીયા (મી) નજીક ઓનેસ્ટ ચેકપોસ્ટ પાસેથી 19 પાડા ભરીને કતલખાને લઈ જતા મીની આઇસર સાથે એકની ધરપકડ: મોરબીના તખ્તસિંહજી રોડ ઉપરથી બાઈક ચોરી
SHARE
JOIN OUR GROUP
માળિયા મિયાણા કચ્છ હાઇવે રોડ ઉપર આવેલ ઓનેસ્ટ ચેકપોસ્ટ પાસેથી મીની આઇસર પસાર થઈ રહ્યું હતું ત્યારે પોલીસ દ્વારા તે આઇસરને રોકીને ચેક કરવામાં આવતા તેમાં 19 નાના મોટા પાડાને કતલખાને લઈ જતા હોય તેવું ધ્યાન ઉપર આવ્યું હતું જેથી કરીને પોલીસે પાડાઓને બચાવ્યા હતા તેમજ વાહન સહિત કુલ મળીને 2,47,500 મુદ્દામાલ કબજે કર્યો હતો અને એક શખ્સની ધરપકડ કરી ગુનો નોંધી આગળની કાર્યવાહી હાથ ધરી હતી
જાણવા મળતી વિગત મુજબ માળિયા કચ્છ હાઇવે રોડ ઉપર આવેલ ઓનેસ્ટ હોટલ પાસેથી મીની આઇસર ટ્રક નંબર જીજે 19 યુ 1932 પસાર થઈ રહ્યું હતું ત્યારે પોલીસે તેને રોકીને ચેક કરતા તે વાહનના પાછળના ભાગમાં નાના-મોટા 19 પાડાને દોરડા વડે કુરતાપૂર્વક બાંધીને કતલખાને લઈ જતા હોય તે પ્રકારનું જોવા મળ્યું હતું જેથી કરીને પોલીસે 47,500 ની કિંમતના અબોલ જીવ તેમજ બે લાખ રૂપિયાની કિંમતનું વાહન આમ કુલ મળીને 2,47,500 ની કિંમતના મુદ્દા માલ સાથે ઇમરાન ઈકબાલભાઈ શેખ (42) રહે. ગ્યાસપુર રોડ બરફની ફેક્ટરી પાસે અસદઉશેદ ટેનામેન્ટ ઘર નંબર-11 અમદાવાદ વાળા ની ધરપકડ કરી હતી અને તેની સામે માળિયા તાલુકા પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે
મોરબીના તખ્તસિંહજી રોડ ઉપરથી બાઈક ચોરી
મોરબીના વેજીટેબલ રોડ ઉપર આવેલ ભાગ્યાલક્ષ્મી સોસાયટીમાં રહેતા રાજદીપસિંહ ગજેન્દ્રસિંહ ઝાલા (32)એ હાલમાં અજાણ્યા શખ્સની સામે મોરબી એ ડિવિઝન પોલીસ સ્ટેશન ખાતે ચોરીની ફરિયાદ નોંધાવી છે જેમાં તેને જણાવ્યું છે કે મોરબીના તખ્તસિંહજી રોડ ઉપર મામાદેવના મંદિર પાસે તેણે પોતાનું બાઈક નંબર જીજે 36 એ 4805 કરીને મૂક્યું હતું જે 25,000 રૂપિયાની કિંમત મોબાઈલ ચોરી કરવામાં આવેલ છે જેથી કરીને ભોગ બનેલા યુવાને એ ડિવીજન પોલીસ સ્ટેશન ખાતે નોંધાવેલ ફરિયાદ આધારે પોલીસે અજાણ્યા શખ્સની સામે ચોરીનો ગુનો નોંધીને આરોપીને પકડવા માટે તજવીજ શરૂ કરી છે
