ટંકારાના લજાઈ નજીક અકસ્માત સર્જીને યુવાનનું મોત નિપજાવનાર કાર ચાલક સામે ગુનો નોંધાયો

મોરબી નજીક લજાઈ પાસે કાર બંધ પડી હતી જેથી યુવાન તેના મિત્રની ગાડીમાં કારીગરને સાથે લઈને તે ગાડી લેવા માટે ગયો હતો ત્યારે સામેથી આવેલ કારના ચાલકે બંધ પડેલ ગાડીમાં ટક્કર મારી હતી અને રોડ ઉપર ઉભેલા બંને મિત્રોને પણ હડફેટે લીધા હતા જેથી ઈજા પામેલા બે પૈકીનાં એક યુવાનનું મોત નીપજયું હતું જે બનાવમાં ઇજા પામેલા યુવાનની ફરિયાદ લઈને પોલીસે કાર ચાલક સામે ગુનો નોંધીને આરોપીને પકડવા માટે તજવીજ શરૂ કરી છે.

મોરબીના શનાળા રોડ ઉપર આવેલ હાઉસિંગ બોર્ડના બ્લોક નંબર 397 માં રહેતા કુલદીપ કિર્તીભાઈ છગાણી (27)એ હાલમાં સફેદ કલરની કીયા કંપનીની કારેન્સ કાર નં, જીજે 10 ડીઆર 1745 ના ચાલક સામે ફરિયાદ નોંધાવેલ છે જેમાં જણાવ્યુ છે કે, તેની સીયાજ ગાડી નં. જીજે 36 એલ 5501 બંધ પડી હતી જેથી કરીને તે તેના મિત્ર વિકાસ નરેશભાઈ ચંદવાણી (32)ની ગાડીમાં કારીગરને સાથે લઈને પોતાની ગાડીને લેવા માટે ગયા હતા અને કારીગર ગાડી રીપેર કરી રહ્યો હતો ત્યારે ફરિયાદી અને તેનો મિત્ર ત્યાં બહાર ઊભા હતા ત્યારે આરોપીએ ગાડી ફરિયાદી તથા તેના મિત્રને હડફેટે લીધા હતા અને ત્યાર બાદ તેની બંધ પડેલ કારમાં આરોપીએ તેની ગાડી અથડાવી હતી. આ બનાવમાં વિકાસ ચંદવાણીને માથામાં તેમજ શરીરે ગંભરી ઇજા થયેલ હતી જેથી કરીને રાજકોટ ખાતે સારવારમાં તેનું મોત નિપજ્યુ હતું અને ફરિયાદીને ડાબી બાજુના ખંભાના ભાગે તથા છાતીના પાસડીના ભાગે ફેકચર તેમજ શરીરે ઇજાઓ થયેલ છે જેથી કરીને ઇજા પામેલા યુવાનની ફરિયાદ લઈને ટંકારા પોલીસે આરોપીને પકડવા માટે તજવીજ હાથ ધરી છે