માળીયા (મી)ના જૂના ઘાટીલામાં ઘરમાં જુગાર રમતા સાત પકડાયા
SHARE
JOIN OUR GROUP
માળીયા (મી)ના જૂના ઘાટીલામાં ઘરમાં જુગાર રમતા સાત પકડાયા
માળીયા મીયાણા તાલુકાના જૂના ઘાટીલા ગામે રહેણાંક મકાનમાં જુગાર રમતા હોવાની હકીકત મળી હતી જેના આધારે સ્થાનિક પોલીસ દ્વારા ત્યાં જુગારની રેડ કરવામાં આવી હતી ત્યારે સ્થળ ઉપરથી સાત વ્યક્તિઓ જુગાર રમતા મળી આવ્યા હતા જેથી કરીને પોલીસે તેની પાસેથી 46,750 ની રોકડ કબજે કરી હતી અને માળિયા તાલુકા પોલીસ સ્ટેશન ખાતે જુગારધારા હેઠળ ગુનો નોંધવામાં આવ્યો છે.
જાણવા મળતી માહિતી મુજબ માળિયા મિયાણા તાલુકાના જુના ઘાટીલા ગામે ઉગમણા ઝાપા પાસે દૂધની મંડળીની બાજુમાં રહેતા રાઘવજીભાઈ હરખજીભાઈના રહેણાંક મકાનમાં જુગાર રમતા હોવાની હકીકત મળી હતી તેના આધારે સ્થાનિક પોલીસ દ્વારા ત્યાં જુગારની રેડ કરવામાં આવી હતી ત્યારે ઘરની અંદર જુગાર રમતા રાઘવજીભાઈ હરજીભાઈ વિડજા (60), જયેશભાઈ જીવરાજભાઈ વિડજા (46), દિનેશભાઈ પોલજીભાઈ જસાપરા (44), નરેન્દ્રભાઈ નાથાભાઈ વિડજા (48), વિજયભાઈ બચુભાઈ જાકાસણીયા (34), મહેશભાઈ મગનભાઈ વિડજા (50) અને તળશીભાઈ સવજીભાઈ ગઢીયા (68) રહે બધા જૂના ઘાટીલા વાળા જુગાર રમતા મળી આવ્યા હોય પોલીસે તેની પાસેથી 46,750 ની રોકડ કબજે કરી હતી અને માળિયા તાલુકા પોલીસ સ્ટેશન ખાતે જુગાર ધારા હેઠળ નોંધીને પોલીસ દ્વારા આગળની કાર્યવાહી હાથ ધરી છે.
