મોરબીમાં શેરબજારમાં રોકાણના નામે છેતરપિંડીના ગુનામાં વધુ એક આરોપીની ધરપકડ

હાલમાં શેરબજારમાં કમાણી કરવા માટે લોકો રોકાણ કરતાં હોય છે ત્યારે તકનો લાભ લેવા માટે ઘણા ભેજાબાજ શખ્સો દ્વારા ઓનલાઈન રોકાણ કરાવી નફો કમાવી દેવાની લાલચ આપે છે અને ત્યાર બાદ છેતરપીડી કરવામાં આવે છે આવ જ એક ગુનામાં સંડોવાયેલ વધુ એક આરોપીની પોલીસે રાજસ્થાનથી ધરપકડ કરેલ છે.

જાણવા મળતી માહિતી મુજબ ગત તા.૪/૦૧/૨૦૨૪ ના રોજ મોરબીના કિશનભાઈ કાવર નામના વ્યક્તિને વોટ્સઅપ નંબર ૯૬૬૨૬૪૬૯૩૨ ઉપરથી https://app.fapgos com લીંક મોકલી વોટસએપ મેસેજ કરવામાં આવ્યો હતો અને શેરબજારમાં રોકાણ કરવાની ટીપ્સ મોકલેલ હતી. આ અરજદાર શેરબજારમાં રોકાણ કરવા માટે અને ઓનલાઈન શેરની લે-વેચ કરવા કુલ ૪,૪૭,૧૫૦ નું ઓનલાઈન ટ્રાન્જેકશન કર્યું હતું અને ફરીયાદીએ રોકાણ કરેલ રૂપિયા પાછા આપવા માટે કહ્યું હતું જો કે, તેને રૂપિયા પાછા ન આપીને તેની સાથે છેતરપીડી કરવામાં આવી હતી જેથી મોરબીના સાયબર ક્રાઈમ પોલીસ સ્ટેશનમાં ગુનો નોંધાયો હતો જે ગુનામાં પહેલા પાંચ આરોપીઓની ધરપકડ કરવામાં આવેલ છે અને હાલમાં આ ગુનામાં આરોપી સુનય દીનેશચંદ્ર શાહ રહે. આનંદપુરી બાસવાડા રાજસ્થાન વાળાને સાયબર ક્રાઇમ પોલીસ ટીમ દ્વારા રાજસ્થાનથી પકડી પાડેલ છે અને આ કામગીરીમાં પીઆઇ એન.આર. મકવાણા, પીએસઆઇ યુ.એસ. બારોટ તથા તેની ટીમે કરી હતી