મોરબીના ટીંબડી પાટીયા પાસે ઓફિસમાં દારૂની ૩૦ બોટલ સાથે એકની ધરપકડ

મોરબી નજીકના ટીંબડી ગામના પાટીયા પાસે આવેલ શિવશક્તિ એન્ટરપ્રાઇઝ નામની ઓફિસમાં દારૂનો જથ્થો હોવાની હકીકત મળી હતી જેના આધારે પોલીસે ત્યાં દારૂની રેડ કરી હતી ત્યારે સ્થળ ઉપરથી દારૂની ૩૦ બોટલો મળી આવી હતી જેથી પોલીસે ૧૭,૫૦૦ ની કિંમતનો મુદ્દામાલ કબજે કરી આરોપીની ધરપકડ કરી હતી અને મોરબી તાલુકા પોલીસ સ્ટેશન ખાતે ગુનો નોંધીને આગળની કાર્યવાહી હાથ ધરી છે

બનાવની જાણવા મળતી માહિતી પ્રમાણે મોરબી ટિંબડી ગામના પાટીયા પાસે શિવશક્તિ એન્ટરપ્રાઇઝ નામની ઓફિસમાં દારૂનો જથ્થો હોવા અંગેની મોરબી એલસીબીની ટીમને બાતમી મળી હતી જેના આધારે પોલીસે દારૂની કરી હતી ત્યારે ઓફિસમાંથી અલગ અલગ બ્રાન્ડની દારૂની કુલ મળીને ૩૦ બોટલો મળી આવતા પોલીસે ૧૭,૫૦૦ ની કિંમતનો દારૂનો જથ્થો કબજે કર્યો હતો અને આરોપી કિર્તીભાઈ કનુભાઈ વરાળીયા જાતે વાણીયા (૨૪) રહે. જૂની પીપડી ૮- એ નેશનલ હાઇવે ટિંબડી ગામના પાટીયા સામે શિવ શક્તિ એન્ટરપ્રાઇઝ નામની ઓફિસમાં મૂળ રહે, હડદડ  રામજી મંદિર પાસે તાલુકો જીલ્લો બોટાદ વાળાની ધરપકડ કરેલ છે અને તેની પાસેથી મળી આવેલ દારૂની બોટલ ક્યાંથી લાવ્યો હતો તે દિશામાં હવે તાલુકા પોલીસી દ્વારા આગળની તપાસ કરવી શરૂ કરવામાં આવી છે આ અંગેની આગળની વધુ તપાસ એમ.એલ. બારૈયા ચલાવી રહ્યા છે

મારામારીમાં ઈજા થતા સારવારમાં

મોરબીના રવાપર ગામે આવેલ ખોડીયાર ભરડીયા નજીક મારામારીનો બનાવ બન્યો હતો જે બનાવની અંદર સંજય નરસીભાઈ કામાણી (૨૮) અને ભરત પોપટભાઇ લધાણી (૨૦)ને મારામારીના બનાવમાં ઇજાઓ થવાથી સારવાર માટે સરકારી હોસ્પિટલ ખાતે લાવવામાં આવ્યા હતા અને બનાવની જાણ થતા એ ડિવિઝન પોલીસ મથકના વિપુલભાઈ ફુલતરીયા દ્વારા તપાસ કરવામાં આવી હતી જેમાં સામે આવ્યું હતું કે સંજય કામાણી અને ભરત લુધાણી બને ધ્રોલ ખાતેથી મોરબીના રવાપર ગામે મહેમાનગતિ માટે આવ્યા હતા અને અહીં મિત્ર સાથે બોલાચાલિ થયા બાદ મારામારીનો બનાવ બન્યો હતો જેમાં બંનેને ઈજા થતા સારવાર માટે લઈ જવાયા હતા.