વાંકાનેરના મહીકા ગામે જમીન લેનારા આધેડને બે શખ્સોએ ઢીકાપાટુ-ધોકા વડે મારમાર્યો
SHARE
JOIN OUR GROUP
વાંકાનેરના મહીકા ગામે જમીન લેનારા આધેડને બે શખ્સોએ ઢીકાપાટુ-ધોકા વડે મારમાર્યો
વાંકાનેર તાલુકાના મહીકા ગામે રહેતા આધેડે જમીન વેચાણ રાખેલ હતી તે જમીન જે શખ્સને રાખવી હતી તેને મન દુઃખ રાખીને આધેડને ગાળો આપી હતી અને ઢીકાપાટુનો મારમાર્યો હતો તેમાં ધોકા વડે માર મારીને ફેક્ચર કરી નાખ્યું હતું તેમજ જાનથી મારી નાખવાની ધમકી આપી હતી જેથી કરીને ભોગ બનેલા આધેડે સારવાર લીધા બાદ હાલમાં વાંકાનેર તાલુકા પોલીસ સ્ટેશન ખાતે બે શખ્સની સામે ફરિયાદ નોંધાવતા પોલીસે ગુનો નોંધીને આરોપીઓને પકડવા માટે તજવીજ શરૂ કરેલ છે
બનાવની જાણવા મળતી માહિતી મુજબ વાંકાનેર તાલુકાના મહીકા ગામે ગેલેક્સી પેટ્રોલ પંપ સામે રહેતા દિનેશભાઈ અમરશીભાઈ બાંભણીયા જાતે કોળી (૫૪)એ હાલમાં વાંકાનેર તાલુકા પોલીસ સ્ટેશન ખાતે નજરુદીન ઉર્ફે નજો ગનીભાઈ બાદી રહે. મહીકા તથા એક અજાણ્યો માણસ આમ કુલ મળીને બે વ્યક્તિઓની સામે ફરિયાદ નોંધાવી છે જેમાં તેને જણાવ્યું છે કે, મહીકા કાનપર રોડ ઉપર તબેલાથી આગળના ભાગમાં તેઓ જઈ રહ્યા હતા ત્યારે મહિકા ગામની સીમમાં તેણે જે જમીન વેચાણ રાખેલ છે તે જમીન નજરુદ્દીનને રાખવાની હોય જે બાબતનું મન દુઃખ રાખીને તેણે ફરિયાદીને ગાળો આપી હતી અને ઢીકાપાટુનો માર માર્યો હતો તથા ધોકા વડે માર મારીને હાથમાં ફ્રેક્ચર કરી નાખ્યું હતું તથા બંને પગના ઘૂંટણ ઉપર પણ માર મારીને ઈજા કરી હતી અને જાનથી મારી નાખવાની ધમકી આપી હતી જેથી કરીને ભોગ બનેલા આધેડે સારવાર લીધા બાદ હાલમાં વાંકાનેર તાલુકા પોલીસ સ્ટેશન ખાતે બે શખ્સોની સામે ફરિયાદ નોંધાવતા પોલીસે ગુનો નોંધી આગળની કાર્યવાહી હાથ ધરી છે
