ટંકારાના હીરાપર ગામે હોટલમાંથી નસીલી સીરપની ૨૮ બોટલો મળી

મોરબી જિલ્લાના જુદા જુદા વિસ્તારમાં નસીલી સીરપનો વેચાણ કરવામાં આવતું હોય તેવું અગાઉ અનેક વખત સામે આવ્યું છે દરમિયાન ટંકારા તાલુકાના હીરાપર ગામે હોટલમાં રાખીને ત્યાંથી વેચાણ કરવામાં આવતું હોવાની હકીકત આધારે સ્થાનિક પોલીસ દ્વારા ત્યાં ચેક કરવામાં આવતા નસીલી સિરપની ૨૮ બોટલો મળી આવી હતી જેથી પોલીસે તેને કબજે કરીને રાબેતા મુજબની કાર્યવાહી હાથ ધરી હતી

ટંકારા તાલુકા પોલીસ સ્ટેશનના પીએસઆઇ એમ.જે. ધાધલ અને તેની ટીમ પેટ્રોલિંગમાં હતી દરમિયાન ટંકારા તાલુકાના હીરાપર ગામ પાસે આવેલ સહકાર કોટનની બાજુમાં રજવાડી હોટલ નામની દુકાનમાં દુકાનદાર નિતેશભાઇ ઉર્ફે લાલો ભુદરભાઈ ફેફર જાતે પટેલ (૩૨) તેની દુકાનમાં નસીલી સીરપ રાખીને રાખીને તેનું વેચાણ કરતો હોવાની હકીકત મળી હતી જેથી કરીને પોલીસે ત્યાં ચેક કરતા સ્થળ ઉપરથી નસીલી સીરપની ૨૮ બોટલો મળી આવી હોય પોલીસે ૪૨૦૦ ની કિંમતનો મુદ્દા માલ કબજે કર્યો હતો અને આ નસીલી સિરપના કોઈ પણ પ્રકારના બિલ કે પુરાવા દુકાનદાર પાસે ન હોવાથી પોલીસે આગળની રાબેતા મુજબની કાર્યવાહી હાથ ધરી હતી