મોરબીના બાયપાસ રોડે અકસ્માત સર્જીને વૃધ્ધાનું મોત નિપજાવનાર અજાણ્યા ટ્રક ચાલક સામે ગુનો નોંધાયો
SHARE
JOIN OUR GROUP
મોરબીના બાયપાસ રોડે અકસ્માત સર્જીને વૃધ્ધાનું મોત નિપજાવનાર અજાણ્યા ટ્રક ચાલક સામે ગુનો નોંધાયો
મોરબીના બાયપાસ રોડ ઉપર આવેલ શેર એ પંજાબ હોટલની સામેના ભાગમાંથી ડબલ સવારી બાઈકમાં દંપતિ પસાર કર્યું હતું ત્યારે તે બાઇકને અજાણ્યા ટ્રક ચાલકે હડફેટે લીધું હતું જેથી કરીને અકસ્માતનો બનાવ બન્યો હતો અને તેમાં વૃદ્ધાનું મોત થયું હતું જે બનાવમાં હાલમાં ઇજાગ્રસ્ત વૃદ્ધે સારવાર લીધા બાદ અજાણ્યા ટ્રક ચાલક સામે મોરબી બી ડિવિઝન પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે
બનાવની જાણવા મળતી વિગત પ્રમાણે મોરબીના નાની વાવડી રોડ ઉપર આવેલ સુમતીનાથ સોસાયટીમાં રહેતા પ્રદીપભાઈ હીરાચંદભાઈ વૈદ જાતે વાણીયા (૬૨)એ અજાણ્યા ટ્રક સામે મોરબી બી ડિવિઝન પોલીસ સ્ટેશન ખાતે ફરિયાદ નોંધાવી છે જેમાં તેને જણાવ્યું છે કે પાંચ દિવસ પહેલા તેઓ પોતાના પત્ની પારુલબેન વૈદ (૬૦) સાથે બાઈક નંબર જીજે ૩ એચસી ૪૬૨૨ લઈને મોરબીના બાયપાસ રોડ ઉપર આવે શેેર એ પંજાબ હોટલ પાસેથી પસાર થઈ રહ્યા હતા ત્યારે કોઈ અજાણ્યા ટ્રક ચાલકે તેઓના ડબલ સવારી બાઈકને પાછળથી હડફેટે લીધું હતું અને અકસ્માત કર્યો હતો ત્યારે ફરિયાદી તથા તેના પત્નીને માથામાં અને શરીરે ગંભીર ઇજાઓ થઈ હતી અને તેમાં ફરિયાદીના પત્ની પારુલબેન વૈધને ગંભીર ઇજા થઇ હોવાથી તેનો મોત નીપજ્યું હતું અને અકસ્માત સર્જીને અજાણ્યો ટ્રક ચાલક પોતાનું વાહન લઈને ઘટના સ્થળેથી નાસી ગયો હતો જેથી કરીને હાલમાં ભોગ બનેલા વૃધ્ધ દ્વારા નોંધાવવામાં આવેલ ફરિયાદારે પોલીસે અજાણ્યા ટ્રક ચાલકની સામે ગુનો નોંધી આરોપીને પકડવા માટે તજવીજ શરૂ કરેલ છે
માર માર્યો
મોરબીના પીપળી રોડ ઉપર આવેલ મારૂતિ પાર્કમાં રહેતા શ્યામ બાલચંદ્ર ગુપ્તા (૨૭) નામના યુવાનને મોરબી નજીકના રંગપર ગામ પાસે મારામારીના બનાવમાં ઇજા થઈ હતી જેથી તેને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપીને આ બનાવની હોસ્પિટલ મારફતે મોરબી તાલુકા પોલીસને જાણ કરવામાં આવી હતી જેથી પોલીસે બનાવની નોંધ કરીને આગળની રાબેતા મુજબની કાર્યવાહી હાથ ધરી હતી અને આ બનાવની વધુ તપાસ મોરબી તાલુકા પોલીસ સ્ટેશનના એમ.એલ. બારૈયા ચલાવી રહ્યા છે
માર માર્યો
મોરબી નજીકના રફાળેશ્વર ગામે આવેલ મેલડી માતાજીના મંદિર પાસે રહેતા નીરૂબેન રાજભાઈ કાનાણી (૩૫) નામની મહિલાને ઘરે મારામારીના બનાવમાં ઈજા થઈ હતી જેથી મહિલાને સારવાર માટે મોરબીની સિવિલ હોસ્પિટલ ખાતે લઈને આવ્યા હતા ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી હતી અને આગળની વધુ તપાસ મોરબી તાલુકા પોલીસ સ્ટેશનના એ.એમ. જાપડીયા ચલાવી રહ્યા છે
