મોરબી નજીક કારખાનાના લેબર કવાર્ટર યુવાને ન કરવાનું કર્યું

મોરબી તાલુકાના જુના સાદુળકા ગામની સીમમાં આવેલા સિરામિક કારખાનાના લેબર ક્વાર્ટરમાં યુવાને પોતાની જાતે ગળાફાંસો ખાઈ લીધો હતો જેથી કરીને તેનું મોત નીપજયું હતું ત્યારબાદ તેના મૃતદેહને મોરબીની સરકારી હોસ્પિટલે લઈને આવ્યા હતા અને આ બનાવની હોસ્પિટલ મારફતે મોરબી તાલુકા પોલીસને જાણ કરતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે

બનાવની જાણવા મળતી માહિતી મુજબ મોરબી નજીકના જુના સાદુળકા ગામની સીમમાં હરીપર કેરાળા ગામ તરફ જવાના રસ્તા ઉપર આવેલ ગ્લોરી સીરામીક કારખાનામાં રહેતો અને ત્યાં મજૂરી કામ કરતો રાજેશભાઈ ગોપાલભાઈ પાત્રો (૩૨) નામનો યુવાન પોતાના લેબર કવાર્ટરમાં હતો ત્યાં કોઈ કારણોસર તેણે ગળાફાંસો ખાઈ લીધો હતો જેથી કરીને તેનું ઘટના સ્થળે જ મોત થયું હતું ત્યારબાદ તેના મૃતદેહને રવિન્દ્રભાઈ રજનીકાંતભાઈ મોરબીની સિવિલ હોસ્પિટલ ખાતે લઈને આવ્યા હતા અને ત્યાં ફરજ પરના ડોક્ટરે તે યુવાનને જોઈ તપાસીને મૃત જાહેર કર્યો હતો અને ત્યારબાદ મોરબી સરકારી હોસ્પિટલ મારફતે મોરબી તાલુકા પોલીસ સ્ટેશનને આપઘાતના બનાવની જાણ કરવામાં આવી હતી જેથી પોલીસે બનાવની નોંધ કરી આગળની કાર્યવાહી હાથ ધરી છે અને આ બનાવની વધુ તપાસ મનીષભાઈ બારૈયા ચલાવી રહ્યા છે