વધુ બે વિકેટ પડી: માળીયા (મી) તાલુકાના તરઘરી-સરવડ ગામના સરપંચને ડીડીઓએ કર્યા સસ્પેન્ડ
Morbi Today
મોરબીના વીરપરડા પાસે અજાણી કારના ચાલકે હડફેટે લેતા ઇજા પામેલા રાહદારી યુવાનનું મોત
SHARE
JOIN OUR GROUP
મોરબીના વીરપરડા પાસે અજાણી કારના ચાલકે હડફેટે લેતા ઇજા પામેલા રાહદારી યુવાનનું મોત
મોરબી તાલુકાના વીરપરડા ગામની સીમમાં આવેલ પેપર મિલના લેબર કવાર્ટરમાં રહેતો અને ત્યાં કામ કરતો યુવાન ઈંડા લેવા માટે લારીએ ગયો હતો ત્યાંથી પરત ચાલીને આવી રહ્યો હતો દરમિયાન તેને અજાણી કારના ચાલકે હડફેટે લીધો હતો જેથી કરીને અકસ્માતનો બનાવ બન્યો હતો અને અકસ્માતના આ બનાવમાં યુવાનને ગંભીર ઇજા થયેલ હોવાથી તેનું મોત નીપજયું હતું હાલમાં મૃતક યુવાનના ભાઈએ અજાણી કારના ચાલક સામે મોરબી તાલુકા પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધીને આગળની કાર્યવાહી હાથ ધરી છે
બનાવી જાણવા મળતી માહિતી મુજબ મૂળ ઝારખંડના રહેવાસી અને હાલમાં મોરબીના વીરપરડા ગામની સીમમાં પીપળીયા આમરણ રોડ ઉપર આવેલ લેમન્જા પેપર મીલમાં રહેતા અમિત નારાયણ મહલદાર જાતે ગોદી (૩૫)એ અજાણી કારના ચાલક સામે મોરબી તાલુકા પોલીસ સ્ટેશન ખાતે ફરિયાદ નોંધાવી છે જેમાં તેને જણાવ્યુ છે કે, તેનો ભાઈ લાલુ નારાયણ મહલદાર કારખાનેથી ઈંડાની લારીએ ઈંડા લેવા ગયો હતો ત્યાંથી ચાલીને તે પાછો આવી રહ્યો હતો દરમિયાન ઇટાલવા કારખાનાની સામેથી તે પસાર થતો હતો ત્યારે આમરણ બાજુથી આવતી કોઈ અજાણી કારના ચાલકે તેને હડફેટે લીધો હતો જેથી કરીને અકસ્માતનો બનાવ બન્યો હતો અને અકસ્માતના બનાવમાં ફરિયાદીના ભાઈ લાલુભાઈને ગંભીર ઇજા થઈ હતી જેથી કરીને તેને સારવારમાં લઈને આવ્યા હતા અને સારવાર દરમિયાન તેનું મોત નીપજયું હતું જેથી કરીને અકસ્માત મૃત્યુના આ બનાવમાં મૃતક યુવાનના ભાઈ દ્વારા અજાણી કારના ચાલક સામે ફરિયાદ નોંધાવવા આવતા પોલીસે ગુનો નોંધી આરોપીને પકડવા માટે તજવીજ શરૂ કરી છે આ બનાવની આગળની વધુ તપાસ મોરબી તાલુકા પોલીસ સ્ટેશનના પીએસઆઇ એસ.એન. સગારકા ચલાવી રહ્યા છે
