માળીયા (મી)ના રાયસંગપરમાં ઘરે કશું કહ્યા વગર બહાર જઈને પરત આવેલ બહેન ઉપર સગાભાઈએ કર્યો દાતરડા વડે હુમલો

માળીયા મીયાણા તાલુકાના રાયસંગપર ગામે રહીને મજૂરી કામ કરતી આદિવાસી યુવતી રાત્રિના સમયે કોઈને કશું કહ્યા વગર ઘરની બહાર ગઈ હતી અને ત્યાંથી તે પરત આવતા તેના સગા ભાઈએ તેના ઉપર શંકા કરીને ગાળો આપીને દાંતરડા વડે હુમલો કર્યો હતો ત્યારે યુવતીને માથા, કાન અને હાથમાં ગંભીર ઇજા થયેલ હતી જેથી તેને સારવાર માટે રાજકોટ લઈ જવામાં આવી હતી હાલમાં આ બનાવ સંદર્ભે પોલીસે વાડાના માલિકની ફરિયાદ લઈને ઇજાગ્રસ્ત યુવરીના ભાઈની સામે ગુનો નોંધી આગળની કાર્યવાહી હાથ ધરી છે

ગઈકાલે સમગ્ર દેશની અંદર ભાઈ બહેનના પવિત્ર તહેવાર રક્ષાબંધન પર્વની ભાઈઓ અને બહેન દ્વારા ઉજવણી કરવામાં આવી છે ત્યારે રક્ષાબંધન પૂર્વે મોરબી જિલ્લાના માળીયા મીયાણા તાલુકાના રાયસંગપર ગામે પરેશભાઈ નારણભાઈ બાવરવા જાતે પટેલ (૪૬) ના ખરાવાડમાં આવેલ વાડામાં મકાનમાં રહીને મજૂરી કામ કરતી રવિતાબેન વેચનભાઈ ભાણું (૨૦) નામની યુવતીને તેના સગા ભાઈ લાલુભાઈ વેચનભાઈ ભાણું જાતે આદિવાસી રહે. મૂળ મધ્યપ્રદેશના ખેડા ગામ હાલ રહે. રાયસંગપર વાળાએ દાતરડાના ઘા જીકીને ગંભીર ઇજાઓ કરી હતી જેથી કરીને ઇજાગ્રસ્ત યુવતીને સારવાર માટે રાજકોટ લઈ જવામાં આવી હતી અને આ બનાવ સંદર્ભે હાલમાં મૂળ રાયસંગપરના રહેવાસી અને હાલમાં મોરબીના પંચાસર રોડ ઉપર આવેલ પવનસુત એપાર્ટમેન્ટમાં રહેતા પરેશભાઈ નારણભાઈ બાવરવા જાતે પટેલ (૪૬)એ લાલુભાઈ વેચનભાઈ ભાણુ સામે માળિયા મીયાણા તાલુકા પોલીસ સ્ટેશન ખાતે ફરિયાદ નોંધાવી છે જેમાં તેને જણાવ્યું છે કે, આરોપીની બહેન રવિતાબેન ઘરમાં કોઈને કહ્યા વગર રાત્રિના ક્યાંક જતી રહેલ અને તે પરત આવતા તેના ભાઈએ તેના ઉપર શંકા કરીને ગાળો આપીને ઝઘડો કર્યો હતો અને બાદમાં દાતરડાથી હુમલો કર્યો હતો ત્યારે રવિતાને માથા, ડાબા કાન અને ડાબા હાથ ઉપર ઇજા કરીને આરોપી ત્યાંથી નાસી ગયો હતો. જોકે યુવતીને ગંભીર ઇજા થઈ હોવાથી પ્રાથમિક સારવાર આપ્યા બાદ વધુ સારવાર માટે તેને રાજકોટ સુધી લઈ જવામાં આવેલ છે હાલમાં આ બનાવની આગળની વધુ તપાસ માળિયા મીયાણા તાલુકા પોલીસ સ્ટેશનના પી.એસ.આઇ. વી.જી. જેઠવા અને તેની ટીમ ચલાવી રહી છે